A través desta actividade, o alumnado de Educación Infantil aprende a observar e reproducir patróns que se repiten con simetría, unha habilidade esencial no Pensamento Computacional. Este proceso implica descompoñer un problema complexo, como a creación dun patrón simétrico de folerpas de neve, en tarefas máis pequenas e manejables. Deste xeito, son capaces de identificar as repeticións e estruturar os pasos necesarios para reproducir o deseño de forma precisa, semellante a como se fai na programación, onde se definen instrucións ou algoritmos para resolver un problema de xeito lóxico.
Ademais, ao traballar con abalorios, non só traballan a motricidade fina, senón que exploran conceptos matemáticos como a simetría, a proporción e as secuencias, ao tempo que melloran as súas habilidades na resolución de problemas.
No ámbito de STEAM, a actividade conecta con distintas disciplinas. Na ciencia, permite afondar no estudo da súa estrutura hexagonal dos flocos e as características que dependen das condicións ambientais. No aspecto artístico, a creación dos patróns invita a explorar o lado estético da simetría e a beleza dos deseños naturais, permitindo que os estudantes se expresen e experimenten coa forma e a cor. Así, este tipo de actividade non só promove a aprendizaxe en áreas como as matemáticas e as ciencias, senón que tamén fomenta a creatividade e a innovación ao integrar diferentes campos do saber.
En resumo, coas folerpas de neve favorece unha aprendizaxe transversal, na que os estudantes desenvolven competencias clave para a súa formación integral, mellorando as súas habilidades de pensamento computacional e consolidando o seu coñecemento en STEAM de maneira dinámica e aplicada.
No hay comentarios:
Publicar un comentario