Pablo Arribas, da Escola Multimedia Gazapo (Narón), visitou de novo o noso centro para realizar a segunda das formacións en Robótica e Drons prevista dentro do PFPP Polos Creativos. Nesta ocasión, unha vez xa introducidos/as no mundo da programación no Pablo, Gazapo.
Dron Tello, Sphero, videoxogo, makecode
Xoves 25 abril 2024. Alumnado 3º ESO Educación Dixital
O próximo xoves, 25 de abril, o Centro de Supercomputación de Galicia, a Secretaría Xeral de Igualdade e o Colexio Profesional de Enxeñaría en Informática de Galicia organizamos o "Día das Rapazas nas TIC" (Girls in ICT Day), dirixido especiamente ao alumnado do último ciclo de centros de primaria e secundaria de Galicia. Este ano contamos tamén coa colaboración do CITIUS (Centro Singular de Investigación en Tecnoloxías Intelixentes da Universidade de Santiago de Compostela).
O Día das Rapazas nas TIC é unha celebración a nivel internacional, orientada a motivar ás novas xeracións de mozas para que vexan as posibilidades e atractivo do ámbito das tecnoloxías para o seu desenvolvemento académico, investigador e profesional. Aquí está toda a información do movemento a nivel internacional. https://www.itu.int/women-and-girls/girls-in-ict/
Para celebralo, ese día no CESGA teremos dúas actividades, unha, virtual, para todos os centros de Galicia e outra, presencial, para alumnado dos centros próximos a Compostela:
COLOQUIO VIRTUAL DE TECNÓLOGAS GALEGAS
CO ALUMNADO DOS CENTROS EDUCATIVOS
Un coloquio virtual dende centros educativos por streaming con 4 destacadas galegas emprendedoras, investigadoras e tecnólogas no eido das TIC, ás que o alumnado participante dos centros galegos de secundaria poderá coñecer a súa traxectoria previa, o día a día do seu traballo, preguntar calquera dúbida sobre este eido profesional ou as motivacións persoais que as levaron a traballar neste eido. A apertura institucional do evento será ás 10:45, e o coloquio comezará as 11:00 ata ás 12:30.
Pablo Arribas, da Escola Multidisciplinar Gazapo (Narón), impartiu o primeiro dos seminarios centrados en Robótica e Drons dentro do PFPP F2331055 Polos creativos no CPI Plurilingüe Virxe da Cela, o martes 23 de abril de 2024 (de 16:45 a 19:15h). Nesta primeira sesión o profesorado asistente traballou coa programación de robots M-Bot, utilizando o software Scratch Junior. Esperamos que esta formación anime aos docentes a sacarlle o máximo partido aos recursos materiales dos que dispón o noso centro. De feito, nunha vitrina da Aula Ferraganchos, dispoñemos dunha flota de robots Make-block que xa foron utilizados en cursos anteriores e que están esperando que o alumnado os poña de novo a camiñar e facer diferentes accións!! Ao final da sesión tambén estivemos descubrindo o enorme potencial do Tale-Bot-Pro, que xa se está a usar nas aulas de educación infantil, e tamén con Sphero, unha atractiva bola robótica que permite ao alumnado aprender a programar xogando. O próximo martes 30 abril teremos a segunda e última sesión con Pablo Arribas, que se vai centrar no manexo de drons e no deseño de videoxogos.
Utilización da cortadora-gravadora láser, empréstito do CFR Ferrol, para gravar pezas de lousa para os agasallos ao profesorado do CPI Virxe da Cela participante nesta III Fase do programa Observa-Acción, así como ás 5 mestras do CEIP Pintor Rosales (Madrid) que visitaron o noso centro os días 10 e 11 de abril para realizar a observación.
Xa de volta das vacacións de Semana Santa damos inicio a este terceiro e último trimestre experimentando coa produción audiovisual e iniciándonos á técnica Stop Motion. O alumnado de 3º da ESO na materia de Educación Dixital poñerá a proba a súa creatividade e dominio técnico tratando de facer animacións mediante a sucesión de imaxes fixas. Utilizaremos a aplicación Stop Motion Studio, instalada nas tabletas do centro, unha das máis sinxelas para iniciarse na creación de películas en stop motion. A aula de Ferraganchos convertiuse nun auténtico plató con diferentes espazos ocupados polas parellas de alumnado que realizan os seus experimentos.
A mestra de EI 3 anos, Noemí Vázquez López, visita co seu alumnado a Aula Ferraganchos algúns mércores pola tarde, para iniciar aos máis pequenos na radio.
Venres 8 marzo 2024, CFR Ferrol. De 16:00 a 20:00 horas. Chroma, Stop Motion, cortadora-gravadora láser, cortadora.
- Deseño e impresión 3D con Mª de los Reyes Montero.
- Deseño vectorial, plotter de corte e cortadora láser con Rebeca Blanco.
- Programación: placa programable Micro:bit con Eva Mª Leira.
- Audiovisuais: chroma e stop motion (empregando dispositivos móbiles) con Lucas Rey.
.JPG)
Eva Leira Bouzamayor, docente de tecnoloxía no IES Sofía Casanova de Ferrol, estivo no CPI Virxe da Cela o martes 5 marzo de 2024 para impartir o primeiro dos dous obradoiros de formación para o profesorado en torno ao E-Téxtil. Esta formación está integrada na liña PFPP de Polos Creativos, na que participa profesorado dos tres niveis educativos: educación infantil, educación primaria e ESO. Comezando por softcirtuits e paper circuits e rematando por e-textiles, as dúas horas e media desta sesión de formación pasaron voando, experimentando con circuitos electrónicos básicos, fíos conductivos, diodos led, recortando, pegando e cosendo, como nun faladoiro de amigos/as. Esperamos poder poñer en práctica co noso alumnado todo o aprendido e poder seguir avanzando na experimentación antes da segunda sesión de formación, marcada para o martes 7 de maio.
E-textiles Virxe Da Cela by veracruces on Scribd
Venres 1 de marzo de 2024, de 16:00 a 20:00. CFR Ferrol
Nos Centros de Formación e Recursos de referencia de cada centro educativo aprenderás a usar os elementos do Polo Creativo a través dun proxecto educativo sinxelo como eixo condutor da aprendizaxe. Serán pequenos obradoiros acerca de corte láser, electricidade, téxtiles, programación, audiovisuais, edición, posprocesado 3D, etc. Todo con carácter práctico e transferible á práctica de aula. Nesta sección tes dispoñible toda a información que precisas para desenvolver exitosamente os obradoiros.
O profesorado deberá asistir a un total de 8h de formación técnica no seu CFR. En Ferrol, estas 8h distribuiranse en dous venres do mes de marzo, de 16:00 a 20:00 cada un, nos que se desenvolverán varios obradoiros prácticos de 2h de duración cada un.
DATAS: 1/03/2024 e 8/03/2024
HORARIO: de 16:00 a 20:00h
O primeiro venres o profesorado realizará dous obradoiros e o seguinte venres, os outros dous. As persoas asistentes seredes distribuídas en grupos no CFR para que, ao final dos dous venres, todos/as teñades pasado por todos os obradoiros. As temáticas e persoas relatoras dos mesmos serán:
- Deseño e impresión 3D con Mª de los Reyes Montero.
- Deseño vectorial, plotter de corte e cortadora láser con Rebeca Blanco.
- Programación: placa programable Micro:bit con Eva Mª Leira.
- Audiovisuais: chroma e stop motion (empregando dispositivos móbiles) con Lucas Rey.
Microbit Polos Cfr Ferrol by veracruces on Scribd
O venres 23 de febreiro de 2024 o comedor escolar converteuse nun espacio creativo, onde o alumnado de 3º de educación primaria segueu avanzando na elaboración de propostas de autómatas de papel utilizando os Kits Singulares de Polos Creativos. Estes materiais complementarios están a disposición do profesorado do centro, e en concreto este de automatismos, está composto por contidos creados por Rob Ives, docente e deseñador de modelos en papel e cartón. Despois de anos na docencia comeza a escribir libros amosando todas as súas creacións. Nestas propostas combina os seus deseños orixinais coas máquinas simples e mecanismos.
Mércores 28 de febreiro 2024, UUMM, de 12:35 a 14:15. Alumnado de 2º, 3º e 4º ESO. David López Sánchez, AMTEGA. Charla "Iniciación segura á pegada dixital"
Hoxe David López deunos unha charla sobre a pegada dixital. Explicounos un pouco sobre a seguridade nas redes sociais, como Whatsapp ou Instagram. Preguntounos cantas contas tiñamos e asesorounos para non aceptar a xente que non coñecemos ou que sexan "amigos dun amigo". Tamén falou sobre o BeReal e Tik Tok, e advertiunos dos seus perigos, xa que había xente que facía retos que lle causaban a morte, como lle aconteceu recentemente a una nena de 8 anos en Perú. David explicounos a Lei de Protección de Datos, para que a tiveramos en conta, e animounos a facer Ego-surfing, isto é, buscarse a si mismo en Google, para saber si aparece información nosa de carácter persoal. Deunos tamén algún truquiño, como encontrar o teléfono móbil se o pertemos entrando no buzón de entrada do correo. E falounos dos electrodomésticos que teñen wifi como as neveiras que se as chegan a hackear poden explotar. Eva Olmedo. 3º ESO
Pablo Arribas, da Escola Multimedia Gazapo (Narón), visitou de novo o noso centro para realizar a segunda das formacións en Robótica e Drons...
