ENTREVISTA RADIOFÓNICA A MIKEL PASABANT

 

Mikel Pasabant, deportista de élite na especialidade de vela, que compaxina a súa paixón co deporte coa faceta de docente no propio CPI Virxe da Cela, onde imparte a materia de inglés na ESO e realiza o cargo de Xefe de Estudos en secundaria. 

CONCURSO VOUCHO CONTAR. PRENSA ESCUELA

O 8 de maio de 2024 o suplemente "La Voz de la Escuela " do xornal La Voz de Galicia fai mención ao CPI Virxe da Cela, describindo o podcast radiofónico realizado polo alumnado de 3º da ESO que participou no concurso "Voucho Contar" de La Voz de la Escuela.

"En el CPI Plurilingüe Virxe da Cela de Monfero, por su parte, este concurso sirvió para trabajar una noticia de actualidad, como es la guerra entre Israel y Hamás, y los estudiantes de la asignatura Proxecto competencial elaboraron un pequeño programa de actualidad, la dramatización de un programa de entrevistas a gente que vive en Gaza".

XORNADA DE REFLEXIÓN PARA COORDINADORES POLOS CREATIVOS

O xoves 9 de maio de 17:00 a 19:00, no CFR de Ferrol, tivo lugar a xornada de reflexión presencial no CFR de Ferrol para as persoas coordinadoras de Polos Creativos. Esta xornada estaba plantexada non so para explicar as evidencias de coordinación e resolución de dúbidas á hora de presentar memorias finais, senón como un espazo de intercambio de boas prácticas en formato mini feira expositiva para compartir experiencias ou actividades desenvolvidas durante este curso académico. O noso centro, CPI Plurilingüe Virxe da Cela, tivo a oportunidade de levar unha pequena mostra física de traballos realizados no marco Polos Creativos (kits singulares, impresión láser, robótica, traballo con resinas), así como unha pantalla expositiva onde se podía visualizar o noso blog https://castelabvirxedacela.blogspot.com/

ROBÓTICA EN EDUCACIÓN INFANTIL

Na aula de 4 de educación infantil, usamos a robótica para traballar a lectoescritura e as habilidades metafonolóxicas.

Co tale-bot levamos a cabo tarefas onde desenvolvemos as vogais e os seus nomes: identificando as coordenadas para atopar unha imaxe que comezara por…, contando o número de sílabas, identificando o seu nome mediante lecto global e o dos seus compañeiros/as. 

SEGUNDA FORMACIÓN EN E-TÉXTILES

Eva Leira Bouzamayor visita o noso centro o martes 7 maio 2024 para impartir o segundo dos obradoiros programados sobre o E-téxtil dentro do PFPP Polos Creativos. Eva axudou aos participantes a repasar os contidos sobre circuitos eléctricos abordados na primeira sesión formativa, e posteriormente, agulla en man, xa demos paso a traballar con telas e poñer en práctica a maxia da electrónica sobre este soporte. Son múltiples as opcións a realizar, e estas se poden ver multiplicadas se engadimos unha placa microbit. 

ELABORACIÓN DE ENQUISAS E ANÁLISE DE DATOS

Durante o segundo e terceiro trimestre do curso 2023-2024 o alumnado de 3º ESO Educación Dixital está a realizar un proxecto colaborativo coa Biblioteca Castelao, que consiste nunha sondaxe dos hábitos lectores da comunidade educativa do CPI Plurilingüe Virxe da Cela. Empezaremos polos hábitos lectores dos/asadolescentes. 

• 1ª FASE: Deseño dun formulario Google para a realización da enquisa-sondaxe (alumnado 3º ESO Educación Dixital)
• 2ª FASE: Realización da enquisa-sondaxe polo alumnado de 1º, 2º, 3º e 4º da ESO.
• 2ª FASE: Análise estatístico e interpretación dos resultados (alumnado 3º ESO Educación Dixital e Biblioteca Castelao)

Tendo xa deseñado o formulario (un documento moi estenso no que trataremos de abordar os hábitos lectores do alumnado da ESO tanto na esfera familiar como na escola, e os seus gustos e preferencias en canto ao tipo de lecturas), o venres 3 de maio de 2024 parte do alumnado da ESO estivo na aula informática contestando a enquisa. 

Unha vez todos os alumnos/as realicen a enquisa, pasaremos á fase final, isto é, ao seu análise estatístico e á interpretación dos resultados, que esperemos servan para introducir melloras no Plan Lector do Centro.