RADIO XESTEIRA NO DÍA MUNDIAL DA RADIO 2022

 

Alumnado do CPI Virxe da Cela, a través de Radio Xesteira, fai un homenaxe neste día, 13 de febreiro, a este medio, a radio, no Día Mundial da Radio. Esta data tan especial celébrase grazas á UNESCO.

11 Febreiro. DÍA INTERNACIONAL DA MULLER E DA NENA NA CIENCIA

 EXPOSICIÓN DE LIBROS NA BIBLIOTECA

Mujeres Científicas 2022 Alegría Educativa GALEGO by veracruces on Scribd

 

 A continuación compartimos a adaptación da película "Figuras ocultas" baseada na vida da física estadounidense Katherine Johnson , científica espacial e matemática que contribuíu á aeronáutica e aos seus programas espaciais coa aplicación das primeiras computadoras electrónicas dixitais na NASA. Esta curta foi realizada polas alumnas e alumnos do CPI As Mirandas de Ares no curso 2018, centro co que colaboramos. Agora que están a cursar 2º de BAC, desde aquí aproveitamos para desexarlles todo o mellor e animar as rapazas a que contribúan no seu futuro a romper a brecha de xénero no mundo da ciencia e a tecnoloxía.

Especial radiofónico: entrevista con Alberto Núñez Feijoo, presidente da Xunta de Galicia.

    O alumnado de 6º de educación primaria, alentado pola súa titora Cristina Lage, tras varias sesións de traballo vinculado á participación no programa "Semana do Parlamento na Escola", acadou o seu obxectivo: entrevistar en persoa ao Presidente da Xunta de Galicia, Alberto Núñez Feijóo. Esta entrevista radiofónica tivo lugar o venres 4 de febreiro de 2022, e está enmarcada dentro do proxecto de radio escolar "Radio Xesteira". Tomando como punto de partida a importancia das nosas institucións e, en concreto, sobre o importante papel do Parlamento,  saíron varias cuestións de relevancia, contestadas con cercanía e con familiaridade por parte do noso Presidente.

OBRADOIROS DE RADIO

 Un ano máis contamos coa presenza de Laboratorio Radiofónico para impartir obradoiros de radio no CPI Virxe da Cela. Sergio Pascual y Dani Vidal son os encargados de impartir estes obradoiros a alumnado de educación infantil e educación primaria. Dous venres ao mes fanse obradoiros simultáneos na aula Ferraganchos e na Biblioteca Castelao.