IMPRESORA 3D: XORNADAS BIBLIOTECA CREATIVA 2020

 Martes 27 outubro. Cidade da Cultura (Santiago de Compostela)

A coordinadora da Biblioteca Creativa Castel@b da Biblioteca Castelao participa o martes 27 de outubro de 2020  a unha xornada de formación presencial centrada na impresión 3D para ampliar os coñecementos sobre aspectos relacionados coa biblioteca como laboratorio creativo de aprendizaxe e a cultura maker na biblioteca escolar. Esta formación tivo lugar na Cidade da Cultura (Santiago de Compostela). 

SESIÓNS EMITIDAS EN LIÑA: XORNADAS FORMACIÓN BIBLIOTECAS CREATIVAS 2020

 

 Luns 26 outubro 2020 a través da plataforma Zoom

O luns 26 de outubro 2020 tivo lugar unha sesión de formación telemática (de 16:00 a 20:00 a través da plataforma Zoom) sobre Bibliotecas Creativas para todos os centros que están no programa (o CPIP Virxe da Cela está por segundo ano consecutivo). Poidemos visionar as charlas de boas prácticas realizados en diferentes bibliotecas escolares galegas, centradas  en contidos relacionados coa biblioteca como laboratorio creativo de aprendizaxes, uso dos robots na biblioteca, contidos, organización e materiais do recuncho manipulativo, deseño e impresión tridimensional, actividades que propician a experimentación, apoio ao desenvolvemento do currículo e reforzo de competencias clave, entre outros. 

XORNADAS BIBLIOTECA CREATIVA 2020

 

Xornadas becreativa 2020_borrador_03 from satelite1

FORMACIÓN EN ESCORNABOTS

Escornabots de satelite1

FORMACIÓN EN STOP MOTION

Un grupiño de docentes recibiron o pasado martes 3 de marzo 2020 unha formación de "Iniciación a Stop Motion", impartida por Patricia Morales, dentro do seminario Biblioteca Escolar. Esperemos que pronto poñan en práctica todo o que aprenderon e poidamos compartir as nosas propias animacións!!

OBRADOIRO DE ALIMENTACIÓN SAUDABLE

Martes 18 de febreiro 2020. Alumnado 6º EI. "O ciclo do Cacao"

AS CIVILIZACIÓNS EN CHROMA

14 febreiro 2020. Os nenos e nenas de educación infantil iniciaron na aula de chroma a xornada de gravacións de vídeos nos que falan sobre as civilizacións, o seu proxecto de curso. Unha vez editados estos vídeos utilizarase o produto final para enviar aos nenos e nenas do colexio Anxo da Garda (Coruña), centro co que se está a levar a cabo un intercambio epistolar.

CONTACONTOS EN REALIDADE AUMENTADA: LA MAGIA DE UNA SONRISA

Venres 14 de febreiro de 2020. Os nenos e nenas de educación infantil visitan a Biblioteca Castelao para aprender valores a través do fermoso conto "La Magia de una Sonrisa", da colección Cuentos para Emocionarse. Falamos do amor, da amizade, das boas maneiras de facer as cousas, do compañeirismo. E para acompañar a narración utilizamos dispositivos móbiles, táblets e altofalantes que engadiron maxia e arte ao escenario, a través das aplicacións de realidade aumentada. 

11 DE FEBRERO, DÍA INTERNACIONAL DA MULLER E DA NENA NA CIENCIA

Queremos difundir no noso blog esta data tan importante para conmemorar o "Día Internacional da Muller e da Nena na Ciencia", o 11 de febreiro. 

O Día Internacional da Muller e da Nena na Ciencia foi proclamado no 2015 pola Asemblea Xeral das Nacións Unidas co fin de lograr o acceso e a participación plena e equitativa na ciencia para as mulleres e as nenas.

"Para facer fronte aos inmensos desafíos do século  XXI –desde o cambio climático ata os trastornos tecnolóxicos– fainos falta a ciencia e toda a enerxía necesaria e, por iso, o mundo non pode privarse do potencial, a intelixencia e a creatividade dos miles de mulleres que son vítimas de desigualdades ou prexuízos tan arraigados. Neste Día Internacional das Mulleres e as Nenas na Ciencia, a UNESCO fai un chamamento á comunidade internacional, aos Estados e a cada persoa para que se mobilicen a fin de facer realidade a igualdade, tanto no ámbito das ciencias como noutros campos. A humanidade só pode saír gañando, igual que a ciencia. "

  Mensaxe de Audrey  Azoulay,   Directora Xeral da UNESCO,

 no Día Internacional das Mulleres e as Nenas na Ciencia 2020

ELABORANDO MATERIAIS PARA A INDIA

Proxecto School to School da Fundación Vicente Ferrer. O 7 de febreiro de 2020 o alumnado de 3º de educación primaria, coa súa profesora de inglés, comenza a elaborar na biblioteca escolar unhas cartas de presentación a base de texto e debuxos para compartir cos nenos e nenas da Konampalli School (India).

OBRADOIRO NUTRICIÓN

Os máis pequenos visitan a biblioteca o 7 de febreiro de 2020  para realizar un obradoiro de nutrición impartido pola mestra de eduación física Ruth. A alimentación e os hábitos saudables son importantísimos para o noso benestar. 

Obradoiro de nutrición con Ruth Varela. 

BENVIDA A AMPARO, DE BODY PLANET

O martes 28 de xaneiro tivemos a visita na nosa biblioteca de Amparo, unha boneca que, utilizando a tecnoloxía da Realidade Aumentada deseñada pola empresa Body Planet, axudaranos a comprender e estudar o corpo humano. 

SEGUNDO OBRADOIRO DE RADIO NA BIBLIOTECA

A Biblioteca Castelao converteuse nun verdadeiro estudio radiofónico: micrófonos, mesa de mesturas, ordenadores, altofalantes... O profesorado participante no curso de formación Radio na Biblioteca, ofertado dentro do seminario "Biblioteca Escolar" puxo en práctica nesta segunda sesión de formación todos os coñecementos adquiridos. Tras unha semana de traballo cooperativo redactando os guións radiofónicos, o martes 4 de febreiro os profesores e profesoras sentáronse diante dos micros e dos ordenadores para materializar coñececementos creando varios interesantes podcasts que queremos compartir con toda a comunidade educativa.

Guión La Chandeleur by veracruces on Scribd

FORMACIÓN SOBRE "RADIO NA BIBLIOTECA ESCOLAR"

Un numeroso grupo de profesores e profesoras do centro asistiron o pasado martes 28 de xaneiro de 2020 á primeira das dúas sesións de formación sobre "Radio na Biblioteca Escolar" impartida dentro do seminario de formación permanente "Seminario Biblioteca Escolar". Lucía Abarrategui e Sergio Pascual, fundadores do Laboratorio Radiofónico Radio Itinerante Escolar, foron os encargados de impartir esta formación, que nesta primeira sesión tocou tanto  aspectos técnicos (micrófonos, mesa de mezclas, programa Audacity) como literarios (elaboración dun guión radiofónico). Para a vindeira sesión, que terá lugar o próximo martes 4 de febreiro, os profesores/as participantes tendrán que gravar o seu programa radiofónico e poñer en práctica todos os coñecementos adquiridos.

OBRADOIRO ILUSTRACIÓN

Aproveitando que grande parte do alumnado da ESO está de "Semana Blanca" en Andorra, un grupiño de rapaces que quedaron no centro fixeron un obradoiro de ilustración na biblioteca escolar para realizar as portadas dos seus relatos sobre "A Árbore das Palabras" (unha iniciativa dos departamentos de Orientación, Relixión e Valores Éticos para conmemorar o Día da Paz e da Non Violencia 2020). Para as súas ilustracións combinaron técnicas máis clásicas con novas tecnoloxías (teléfonos móbiles). 

CONTACONTOS CON REALIDADE AUMENTADA: MEDUSA SE HA VUELTO A ENFADAR

      Venres 24 de xaneiro 2020. Alumnado Educación Infantil. Comezamos un ciclo de "Contacontos con Realidade Aumentada" co libro "Medusa se ha vuelto a enfadar", da colección Cuentos para emocionarse. 

      Mesturando a tecnoloxía (dispositivos móbiles, táblets,  Realidade Aumentada) con elementos tradicionais (libros formato papel, figuras de fieltro manipulables) o alumnado de educación infantil descubriu a fermosa historia de Medusa, protagonista do conto "Medusa se ha vuelto a enfadar", aprendendo ao mesmo tempo conceptos como a amizade, a axuda mútua, o traballo en equipo, e outros valores tan necesarios para a súa formación. 

FORMACIÓN SOBRE REALIDADE AUMENTADA

Curso de formación do profesorado dentro do seminario "Biblioteca Escolar". Tino Fernández imparte unha formación de 3 horas sobre Realidade Aumentada. Martes 21 xaneiro 2020, aula de informática do CPI Plurilingüe Virxe da Cela.

 

Curso sobre codigos qr y realidad aumentada 2019 de satelite1