Luns 26 de outubro 2026
#CasteL@b é o blogue dos programas Polos Creativos e Biblioteca Creativa no CPI Plurilingüe Virxe da Cela. Forma parte da Biblioteca Castelao. Os programas Polos Creativos e "Biblioteca Creativa" son promovidos pola Consellería de Cultura, Educación e Ordenación Universitaria, Xunta de Galicia.
jueves, 29 de octubre de 2026
miércoles, 28 de octubre de 2026
LABORATORIO DE RADIO
Alumnado da materia de Proxecto Competencial 4º ESO vai colaborar na gravación de diferentes programas radiofónicos que se van levar a cabo no noso centro.
viernes, 23 de octubre de 2026
LEGO EV3: APRENDENMOS PROGRAMANDO
Alumnado de 4º Dixitalización experimentan programando o robot Lego EV3 nos días previos á asistencia ao obradoiro-concurso "A Maxia da Robótica", ao que asistirán, xunto cos alumnos/as de 2º da ESO, o vindeiro luns 26 de outubro 2026.
viernes, 5 de junio de 2026
Semana de Polos Creativos 25/26
Entre os días 1 e 5 de xuño celebramos no noso centro a Semana de Polos Creativos, unha iniciativa deseñada para achegar ao alumnado e ao profesorado de infantil e primaria os recursos, materiais e espazos dos que dispón o noso Polo Creativo, favorecendo o desenvolvemento de competencias relacionadas co pensamento creativo e computacional, a programación, a experimentación e a resolución de problemas.
Ao longo da semana organizáronse diferentes obradoiros adaptados ás características e intereses de cada grupo, tendo tamén en conta os contidos curriculares que estaban a traballar nas aulas. Deste xeito, cada experiencia resultou significativa e conectada coa súa aprendizaxe diaria.
O alumnado de Educación Infantil, 1º e 3º de Educación Primaria participou en actividades de robótica e programación básica, nas que puido coñecer e experimentar coa gran variedade de robots dispoñibles no centro.

Pola súa parte, os nenos e nenas de 4º de Educación Primaria afondaron no uso de Makey Makey, explorando as posibilidades da electrónica creativa mediante a elaboración de instrumentos musicais con plastilina condutora, convertendo obxectos cotiás en auténticos dispositivos interactivos.
Esta Semana de Polos Creativos permitiu que todo o alumnado coñecese de primeira man as múltiples posibilidades que ofrecen os recursos do centro para aprender creando, investigando e experimentando. Unha experiencia moi enriquecedora que contribuíu a fomentar a curiosidade, a creatividade e o gusto por aprender a través da tecnoloxía e da innovación.
jueves, 28 de mayo de 2026
FERRAMENTAS DE EDICIÓN DE AUDIO: AUDACITY
Alumnado de 1º de ESO do CPI Virxe da Cela animouse a aprender os rudimentos técnicos para edición do son, e deste xeito, ser eles mesmos/as os encargados e responsables de pulir e darlle forma ás gravacións de audio realizadas nas pasadas semanas co obxectivo de sacar ás ondas os programas radiofónicos da Campaña Mundial pola Educación.
domingo, 24 de mayo de 2026
AULA DO FUTURO
Con motivo da celebración do 50º aniversario do centro e da exposición do PDI “Tirando do fío”, que tivo lugar o día 23 de maio, desenvolveuse unha proposta especial arredor do paso do tempo. O centro dividirase en tres espazos simbólicos: pasado, presente e futuro.
O espazo do futuro situarase na biblioteca e na aula de Polos Creativos, converténdose nunha especie de cápsula do tempo na que se darán a coñecer diferentes propostas, materiais e experiencias relacionadas coa creatividade, a tecnoloxía e a innovación educativa levadas a cabo no centro. Desta maneira, o alumnado pode explorar posibles escenarios futuros a través de actividades dinámicas, manipulativas e inspiradas nos recursos de Polos Creativos (construcións, robótica, IA...).
viernes, 22 de mayo de 2026
ALFOMBRA FLORAL CON INTELIXENCIA ARTIFICIAL
O alumnado de Educación Dixital de 3º da ESO estivo realizando experimentos de xeración de imaxes con intelixencia artificial que serviran de inspiración para a elaboración dunha alfombra floral para o Festival dos Maios e Letras Galegas 2026 contextualizando tamén o centro no seu 50 aniversario. Utilizar a intelixencia artificial pode ser un complemento, pero desde logo precisamos igualmente recursos humanos para levar a cabo o resultado final: unha fermosa e colorida alfombra floral tecida a man coa axuda de todos nós.
lunes, 18 de mayo de 2026
OBRADOIRO DE E-TÉXTIL
Luns 18 de maio de 2026, aula de UUMM, alumnado de Proxecto Competencial de 1º, 2º e 3º ESO e de Educación Dixital 3º ESO.
A cargo de Carmela Salguero López, da empresa Maker Store de Carballo, especializada en productos STEM e actividades de formación para profesorado e alumnado. Este obradoiro está organizado pola Biblioteca Escolar, da través da iniciativa Biblioteca Creativa. O obxectivo é transformar as bibliotecas escolares en espazos de aprendizaxe activa, fomentando a experimentación, o pensamento crítico e o desenvolvemento de competencias tecnolóxicas, científicas e creativas.
Neste obradoiros de e-téxtil (téxtiles electrónicos ou wearables) fusionamos a artesanía téxtil coa electrónica e a programación, aprendendo a coser circuítos, engadir sensores e loces LED á roupa, constituíndo esta actividade un achegamento ao PDI (Proxecto Documental Integrado) Tirando do Fío, que estamos levando a cabo durante este curso 2025-2026.
O luns 18 de maio, o alumnado de 1º, 2º e 3º da ESO en Proxecto Competencial, fumos participantes dun obradoiro E-TÉXTIL, que xunta a electrónica co téxtil, como eses típicos xerseis navideños que tiñan luces. Antes de nada nos tiveron que explicar como funcionaba un circuíto eléctrico, e logo, como facer o noso propio produto. A min, a verdade é que me gustou bastante, tendo en conta que xa sabía todo sobre os circuítos, pero aínda así, botei moitas risas cos meus compañeiros e repitiríao. M.T. E (3º ESO).
domingo, 17 de mayo de 2026
CONTRATO DE VIDA DIXITAL
A Xunta de Galicia vén de lanzar o Contrato de Vida Dixital, é unha iniciativa impulsada a través do Plan Integral de Benestar Dixital 2030. Consiste nun documento e acordo voluntario que asinan conxuntamente o alumnado, as familias e os centros educativos para promover un uso seguro, consciente e responsable da tecnoloxía.
jueves, 14 de mayo de 2026
REFLEXIONAMOS SOBRE O USO DA IA NAS AULAS
O noso centro escolar leva anos participando no proxecto Prensa-Escuela de La Voz de Galicia. Isto nos permite ter á nosa disposición xornais en formato papel todos os mércores. Na materia optativa Educación Dixital de 3º da ESO facemos o uso da prensa como un recurso didáctico que nos permite conectar o currículo coa realidade e a actualidade. Hoxe en día a Intelixencia Artificial está deixando de ser unha tecnoloxía experimental para pasar a ser unha ferramenta integrada na nosa vida cotiá. Non obstante, a IA plantexa dilemas éticos urxentes, e precisamente, a través da prensa, os alumnos e alumnas poden entender como se está tratando de regular o seu impacto social, e concretamente nas aulas.
ANÁLISE DA ENQUISA SOBRE O USO DAS REDES SOCIAIS POR PARTE DOS/AS ADOLESCENTES
Comezamos un ciclo de exposicións orais sobre os proxectos de elaboración de enquisas e análise de datos estatísticos que está a realizar o alumnado de 3º Educación Dixital.
A través de formularios de Google (Google Forms) cada alumno/a deseñou a súa propia enquisa para compilar respostas a temáticas de interese para os/as adolescentes. Tras a análise das respostas, cada un dos rapaces/as amosará aos seus compañeiros evidencias. A utilización destas ferramentas dixitais na aula contribúe a fomentar o pensamento crítico da nosa mocidade.
martes, 12 de mayo de 2026
PODCASTS CAMPAÑA MUNDIAL POLA EDUCACIÓN 2026
Un ano máis o noso centro comprométese coa educación promovendo unha serie de actividades e accións a celebrar durante o mes de maio, dentro da CME (Campaña Mundial pola Educación). Durante este mes o alumnado dos diferentes cursos da ESO, nas materias de Relixión, Proxecto Competencial e Educación Dixital, elaboraron os guións e gravaron os audios de monográficos radiofónicos asociados á temática abordada este ano, cuxo lema central foi "Acción pola Educación", enfocado na educación dixital en situacións de emerxencia. A creación e difusión de podcasts escolares servirá para que o alumnado do CPI Virxe da Cela poda reflexionar sobre a fenda dixital e amplificar á súas voces na procura na democratización dunha educación universal e de calidade para todos e todas.
viernes, 1 de mayo de 2026
Korbo en 3º de Primaria
Os materiais de construción Korbo están presentes tamén nos desdobres de 3º de Educación Primaria, onde o alumnado traballa tanto a partir de modelos propostos como a través da creación libre. Estas actividades permiten experimentar co funcionamento de engrenaxes e mecanismos sinxelos, fomentando a creatividade, o pensamento lóxico e a resolución de problemas de maneira manipulativa e colaborativa.
Material de lacrosse con Impresora 3D
Empregouse a impresora 3D da aula de Polos Creativos para o deseño e elaboración de material deportivo destinado á práctica do lacrosse no centro. Esta iniciativa permitiu dispoñer de recursos específicos para a introdución deste deporte, combinando innovación tecnolóxica e actividade física. A creación deste material contribúe a enriquecer as propostas de educación física, fomentando novas experiencias de aprendizaxe para o alumnado.
Alumnado de Relixión de 6º de primaria na aula de Polos
O alumnado de Relixión de 6º de Educación Primaria achegouse á aula de Polos Creativos para empregar os lapis 3D nunha proposta vinculada á materia. A través desta actividade, puideron deseñar e crear diferentes figuras relacionadas cos contidos traballados na aula, combinando a aprendizaxe curricular co uso de ferramentas tecnolóxicas e fomentando a creatividade, a motricidade fina e a expresión persoal.
jueves, 23 de abril de 2026
XIV DÍA INTERNACIONAL DE RAPAZAS NAS TIC
Alumnado de 3º e 4º da ESO participan na videoconferencia. Aula Ferraganchos. De 11:00 a 12:15
Animado coloquio virtual dende o CESGA dirixido a centros educativos, no que participan 4 destacadas galegas emprendedoras, investigadoras e tecnólogas no eido das TIC, ás que o alumnado participante dos centros galegos de primaria e secundaria poderá preguntar todas aquelas inquedanzas e dúbidas sobre os seus eidos profesionais ou as súas motivacións persoais que as levaron a traballar neste eido.
Este ano contamos con catro investigadoras, unha en simulación computacional, outra en superordenadores, outra en música e computación e finalmente outra en detección precoz do cancro de mama. As catro complementan cos seus perfis diversos unha realidade do mundo profesional na que as tecnoloxías xogan un papel moi importante e as veces non tan "evidente", que seguro despertará a curiosidade das rapazas e rapaces asistentes, e pode abrir novas vocacións cara ao futuro.
A apertura institucional e o coloquio deu comezo ás 11:00, cunha duración de 1 hora e media, ata ás 12:30.
XIV día internacional das rapazas nas TIC
miércoles, 22 de abril de 2026
RADIO: ENTREVISTA A VANESA PORTO
Alumnado de 3º da ESO da materia de Educación Dixital foi o encargado de dar soporte técnico para a gravación de vídeo e de audio das entrevistas do proxecto Buscamos Científicas, promovido polo departamento de Matemáticas. O mércores 22 de abril de 2026, ás 12:15 horas, contamos coa participación de Vanessa Porto González, antiga alumna do CPI Virxe da Cela, que visitou o noso centro para difundir a súa labor como investigadora. O seu traballo, desenvolvido xunto ao CiMUS da Universidade de Santiago de Compostela e a empresa ARJUNA Therapeutics, busca combater o cancro atacando o metabolismo enerxético das células tumorais. no eido Mércores
viernes, 3 de abril de 2026
PRÁCTICAS DE FOTOGRAFÍA
Alumnado de 3º da ESO está a realizar prácticas de fotografía empregando a cámara Canon EOS 200D, unha cámara réflex dixital deseñada especialmente para principiantes e afeccionados que buscan dar o salto desde a fotografía móbil cara a unha calidade profesional. Destaca por ser unha das cámaras réflex máis lixeiras, compactas e doados de usar do mercado.
domingo, 29 de marzo de 2026
VIRXEDACELA SOUND STUDIO
-Ordenador Macbook
-Tarxeta M-Track
-Micrófono Shure
-Cableado (cables XLR e Jack)
-Auriculares de estudo.
-Software de edición (DAW) GarageBand (gratuíto en Mac)
E agora... a gravar... Estamos facendo os primeiros experimentos cun interesante Rap adicado a Rosalía de Castro e composto con intelixencia artificial... Cal será o resultado??
-
O alumnado de 5º de Educación Infantil está a traballar por Aprendizaxe Baseado en Xogos e tódolos martes adican un ratiño a usar diferente...
-
Entre os días 1 e 5 de xuño celebramos no noso centro a Semana de Polos Creativos , unha iniciativa deseñada para achegar ao alumnado e ao p...
-
O alumnado de infantil, pasouse pola aula de Polos para coñecer a Photon, un robot co que as nenas e nenos se inician na programación de for...







.jpeg)
.jpeg)
.jpeg)
.jpeg)

.jpeg)
.jpeg)









.jpeg)
.jpeg)

