Compartimos con todos/as vós esta interesante presentación con moitas pistas, ideas e consellos para a xestión, creación e documentación de contidos, que serán de grande axuda para lanzar os Polos Creativos no CPI Plurilingüe Virxe da Cela.
Esta presentación foi anosada nunha sesión onlinr de formación dos coordinadores dos Polos Creativos.
Xestión,_creación_e_documentación_de_contidos_Polos_Creativos by veracruces on Scribd
Alumnado de 3º da ESO na materia de Educación Dixital.
Ciencia e Xogo. Mecánica, rotótica.
Compartimos información sobre as actividades de dinamización do Plan de Inclusión Dixital da CeMIT do Concello de Betanzos.
Grazas ao apoio da Fundación Ayuda en Acción, que promoveu a creación dun Club de Radio no CPI Virxe da Cela e organizou esta saída extraescolar, unha ducia de alumnos/as da ESO visitaron as instalacións da emisora CUAC FM o pasado mércores 29 de novembro de 2023. Ademais dos/as rapaces/zas que forman parte deste recén nacido Club de Radio, sumáronse tamén os/as alumnos/as integrantes do Club de Lectura Larparcontos, xa que aproveitamos esta oportunidade para coñecer as posibilidades da radio para sacar ideas que nos servan para utilizar á hora de elaborar productos radiofónicos centrados nas nosas lecturas. Tivemos unha fantástica acollida por parte de dous dos membros fundadores desta emisora de radio coruñesa, que con moito orgullo fixeron unha visita guiada polas instalacións, situadas no campus universitario de A Zapateira, explicando todo o equipamento e facendo unha visión panorámica da evolución desta radio comunitaria, desde os seus orixes, en 1996. Despois da visita guiada recibimos unha formación teórica, que nos deixou con gañas de seguir traballando con este medio, e, por que non, de volver de novo a finais de curso para poder gravar un programa en directo!!
Rematamos esta actividade moi motivados coa experiencia, ademais de levar algún agasallo para casa: un par de exemplares do libro Alfabetización mediática y medios de comunicación. Experiencias, aprendizajes y potencialidades para los medios comunitarios, escrito por Isabel Lema Blanco (unha das persoas encargadas de acollernos nesta visita guiada), e tamén varios Cds de Isto é Galego, unha produción de CUAC FM.
Eu creo que a viaxe que fixemos a Radio CUAC FM serviume para coñecer como se fai radio detrás das cámaras, como é a gravación e a edición de sons ou como se elaboran os guións. Ademais CUAC FM é unha radio comunitaria e independente. Alí nos enseñaron como se formou a Radio CUAC FM, e os seus integrantes. CUAC FM ten uns 26 años e foi creada por universitarios. A min gustaríame facer un programa en directo na emisora ao final de curso, paréceme interesante. Erik (1º ESO)
Cuac Fm Ies Monfero Taller Radio by veracruces on Scribd
Martes 31 outubro 2023. Sesión presencial. Santiago de Compostela. De 10:30 a 13:30
O CPI Virxe da Cela participa un curso máis no proxecto "Digicraft no teu cole", no marco do Plan Digitalent, e da man de AMTEGA (Axencia para a Modernización Tecnolóxica de Galicia) e a Fundación Vodafone España.
"Digicraft no teu cole" ten como obxectivo principal o desenvolvemento da competencia dixital na Educación Primaria. O programa ofrece unha formación fundamentalmente práctica para as persoas docentes participantes. O luns 23 de outubro de 2023, de 16:00 a 18:00 horas, o profesorado participante recibiu a primeira das formacións en formato on-line, no itinerario 3 "Automoción e domótica".
A coordinadora do programa Polos Creativos no CPI Virxe da Cela acude, xunto cos coordinadores/as do resto dos centros educativos galegos, a unha xornada de formación que tivo lugar o martes 17 de outubro de 2023 na Cidade da Cultura (Santiago de Compostela).
Nas vindeiras semanas o noso centro recibirá o correspondente material audiovisual, de electrónica e robótica, de tecnoloxía, téxtil ou de informática, con kits adaptados a cada nivel educativo para poñer en funcionamento os Polos Creativos.
Programa Polos Creativos by veracruces on Scribd
Este curso os participantes da liña de formación PFPP "A Biblioteca Escolar: organización, xestión e dinamización" tiñamos moitas inquedanzas sobre diferentes temas que nos permitisen mellorar na dinamización da mesma.
Por unha banda, quixemos especializarnos no uso do KOHA (o programa de xestión dos fondos da Biblioteca escolar), aprendendo non só a catalogar libros ou revistas, senón outros recursos coma os diferentes xogos de mesa que forman parte de Ferraganchos.
Por outra banda, quixemos afondar no xeito de contar contos, polo que da man de Sabela Gago descubrimos como contar, dramatizar e enganchar ao alumnado no momento de contar. Ademais ensinounos outras ferramentas que lles permitirán ser creadores das súas propias historias.
Para rematar, da man de Aurora (experta en gamificación e dinamización de xogos) aprendemos a empregar e descfutar os nosos xogos: distinguimos que existe a gamificación, a aprendizaxe baseada en xogos e os serius games. Ademais, clasificamos o fondo de xogos co que contamos en Ferraganchos entre xogos narrativos, xogos de lóxica-matemática e xogos para desfrutar.
Estas foron as nosas aprendizaxes para o presente curso, que sen dúbida foron a semente para a creación de diferentes dinámicas que enriqueceron a dinamización da biblioteca como, por exemplo, foi o Clube de Xogos de mesa.
Unha representante do CPI Virxe da Cela participou nas Xornadas de Polos Creativos que tivo lugar no Edificio Fontán da Cidade da Cultura en Santiago de Compostela, venres 2 de xuño de 2023.
Obxectivos: Coñecer e aplicar metodoloxías de aprendizaxe activa; poñer en valor a utilidade das novas ferramentas dixitais na educación e integralas nos nosos sistemas de ensino e aprendizaxe; coñecer novas metodoloxias que lle permita ao alumnado empregar e crear contidos dixitais como forma de aprendizaxe.
Contidos: Metodoloxías didácticas innovadoras en espazos de aprendizaxe; deseño de futuros espazos de aprendizaxe innovadores; estratexias de dinamización en medios virtuais.
Santiago de Compostela, mércores 24 maio 2023. O programa Digicraft, consiste nun plan que dota ás escolas de material tecnolóxico e didáctico, para que o alumnado se achegue ao uso das novas tecnoloxías dende un punto de vista educativo. Dende o comezo do curso, na clase de plástica estivemos seguindo este plan, realizando diversas tarefas propostas polo propio plan, na que o alumnado aprendía a utilizar as diferentes ferramentas tecnolóxicas. A partir do mes de febreiro e ata hoxe, comezamos o Superreto Digicraft, que consiste en aproveitar o aprendido para resolver un reto proposto. Nestes días, o alumnado dos cursos de primaria elaborou unha maqueta propia utilizando as tecnoloxías, intentando resolver o reto presentado.
O mércores 24 de maio de 2023 tivo lugar a última sesión de formación para o profesorado impartida por Yolanda Castro dentro do PFPP "Medios e recursos dixitais". Nesta xornada abordouse a creación e edición de produtos audiovisuais utilizando o software "Filmora", e incidindo na opción de "Chroma key".
O profesorado asistente visualizou diferentes productos audiovisuais realizados con este software, e afondou en funcións básicas como cortar, xirar, cambio de velocidade, axuste de cores, brillos, aplicar efectos, modificar e editar o audio. Un punto central desta formación consistiu en descubrir funcións avanzadas como compoñer clips sobrepostos e efectos da pantalla verde, isto é, Chroma Key.
O pasado 9 de marzo de 2023 realizouse unha charla no CPI Virxe da Cela dirixida ás familias e impardia por Antonio Rial Boubeta. Un número moi significativo de familias acudiron interesados polo tema a tratar: tecnoloxías, infancia, adolescencia, convivencia, adicións. Pais e nais quixeron informarse sobre conductas de risco que poden traer consigo o uso abusivo das tecnoloxías, e quen mellor que Antonio Rial Boubeta para poñer datos sobre a mesa e sembrar dúdidas que den paso á reflexión. Antonio Rial é doctor en Psicoloxía Social e profesor titular da Universidade de Santiago, ademais de técnico da Unidade de Psicoloxía do Consumidor e experto en metodoloxía de investigación en ciencias sociais e saúde.
Tendo esta charla como punto de partida e coa intención de despertar no nos alumnado unha conciencia e hixiene dixital que lles axude a exercer autocontrol nos seus usos das tecnoloxías, o alumnado de 3º da ESO da materia Educación Dixital realizará durante o 3º trimestre unha enquisa para valorar o impacto do uso e abuso das tecnoloxías entre os/as adolescentes do centro. Para elaborar esta enquisa online tilizaranse ferramentas dixitais (formularios Google) e unha vez recollidos os datos analizaranse e difundiranse entre a comunidade educativa.
Un grupo de docentes do CPI realizaron unha formación en pantallas dixitais interactivas o luns 22 de maio de 2023, impartida por Antonio Aneiros López, asesor Abalar do CFR de Ferrol. Esta é un punto de partida para poder achegarnos ao uso destes dispositivos e así poderlle sacar o máximo rendemento , xa que a partir de agora que pasarán a formar parte do mobiliario das nosas aulas (material concedido pola administración educativa) e do proceso de ensinanza aprendizaxe do noso alumnado.
Na última década o campo dos e-téxtiles experimentou un crecemento importante.
Son cada vez máis comúns materiais intelixentes capaces de reaccionar a
corrente eléctrica. Teñen peculiaridades como interactúar coa temperatura, coas
condicións ambientais, sinais eléctricos ou condicións impostas polas persoas
usuarias.
Doutra banda, os wearables son dispositivos capaces de comunicarse co corpo
e integrarse á súa mobilidade, ademais de poder conectarse con outros. Son de
feito, dispositivos que se poden vestir, lavables ou que exercen de complementos
intelixentes. Están presentes en saúde, entretemento, deporte, domótica,
industrial e arte.
Nesta evolución teñen moito que ver
os e-téxtiles, incorporando a tecnoloxía a elementos do noso día a día.
Todo isto, supón un importante desenvolvemento da tecnoloxía corporal e abre
un campo apaixonante de experimentación e de creación.
Achegarnos a eles desde os seus principios básicos foi o noso obxectivo nesta actividade, que seguro traerá novas posibilidades.
.png)
A por elas!!!!!!
A directora do CPI Virxe da Cela foi entrevistada xunto co investigador e pedagogo Antonio Rial Boubeta na TVG, no programa A Revista (28 abril 2023) para falar do papel da educación na prevención de problemas na infancia e na adolescencia, e do enfoque positivo que supón unha boa utilización dos medios e recursos dixitais.
http://www.crtvg.es/tvg/a-carta/a-revista-6100463?t=2065
Hoxe xoves 27 abril de 2023 deu comezo o curso online titorizado "Avalúa de maneira innovadora a través das TIC", ofrecido ao profesorado do noso centro grazas á colaboración coa Fundación Ayuda en Acción. Serán un total de 4 sesións online na que se aboradarán contidos como a creación de portafolios dixitais a través de Google Sites, a elaboración de rúbricas e listas de cotexo mediante Corubrics e a utilización de ferramentas de avaliación dixital como Quizziz e Plickers.
Abril 2023 Guia Didactica l1.1.Ac2 by veracruces on Scribd
Continuando co proxecto de elaboración dos videotitorias, hoxe comezamos os obradoiros de chroma para introducir esta técnica na elaboración dos videotitoriais. Neste obradoiro participará tanto o alumnado de Primaria como o de Secundaria integrante do clube. Este obradoiro centrado no proceso de gravación e uso do chroma impárteo a nosa compañeira de secundaria Yolanda Castro, sen dúbida, unha grande experta na materia.
Nesta segunda e última sesión de Impresión 3D realizada o xoves 20 de abril de 2023 o profesorado participante avanzou na súa aprendizaxe dándolle forma aos seus deseños e finalmente ver unha peza de 3 dimensións realizada pola impresora da aula de Ferraganchos. Ao inicio da sesión fíxose un repaso do aprendido en torno ao programa Tinkercad para diseño 3D, e posteriormente presentouse un novo programa, o Ultimaker Cura, unha aplicación deseñada para as impresaras 3D na que se poden modificar os parámetros de impresión e logo transformalos ao código G. Como último paso, encender a impresora, realizar axustes e a esperar... O resultado: un sinxelo chaveiro para iniciarnos neste novo mundo da impresión 3D. E agora toca facer unha aprendizaxe en cascada e poder transmitir o aprendido ao noso alumnado para que o poña en práctica!
O noso centro é un dos oito seleccionados para participar na segunda edición do programa o Museo Virtual na escola rural", da man da Fundación María José Jove (FMJJ). O Museo Virtual da FMJJ púxose en marcha no 2021 como unha plataforma dixital de apoio á creación e á difusión artística.
Desde o martes 18 de abril teremos á disposición do alumnado un espazo específico equipado coa tecnoloxía necesaria para poder visitar a través da realidade virtual dos fondos deste museo de arte contemporánea, evitando así as barreiras da distancia e os elevados custos dos desplazamentos.
Pablo Arribas, da Escola Multimedia Gazapo (Narón), visitou de novo o noso centro para realizar a segunda das formacións en Robótica e Drons...
