SEGUNDA SESIÓN FORMACIÓN ROBÓTICA E DRONS

Pablo Arribas, da Escola Multimedia Gazapo (Narón), visitou de novo o noso centro o martes 30 de abril de 2024 para realizar a segunda das formacións en Robótica e Drons prevista dentro do PFPP Polos Creativos. Nesta ocasión, os drons foron os protagonistas. Despois dunha breve introdución sobre a normativa destes aparellos, puxémonos mans á obra voando o dron Tello DJI, un minidron que posúe cámara HD. As primeiras maniobras non foron fáciles, pero coa práctica poidémonos facer co co control do aparello. Rematamos a sesión xogueteando coa bola Sphero Mini Blue, unha pelota rotóbica con moitas posibilidades, e aprendendo a deseñar un videoxogo co software Arcade Makecode.  

DESEÑO DE VIDEOXOGOS CON PPG MAKER

O alumnado de 4º da ESO que está cursando a optativa Cultura Científica están a deseñar, guiados polo profesor David Casado, videoxogos sobre a vida de científicos famosos utilizando a aplicación PPG Maker. Rubéne Hugo afondarán na famosa viaxe de Darwin no Beagle; Luca e Dani recrearán a biografía de Félix Rodrígue de la Fuente, e pola súa banda Cristina, Ariadna e Noelia centraranse en varias mulleres científicas.