SuperFinal SuperReto Digicraft 2022: Alumnado seleccionado para participar na final

 

SUPERfinal do Reto DigiCraft 2022

Fai unhas semanas  recibíamos unha boa nova, comunicábasenos que o noso centro fora seleccionado para participar na fase final autonómica do SuperReto DigiCraft 21-22 que se celebrou o mércores 11 de maio nunha xornada incluída no contexto do I Congreso DixInnova 2022 organizada a Consellería de Cultura, Educación e Universidade no Edificio Fontán, Cidade da Cultura en Santiago de Compostela.

Un Superreto que consistía en crear de xeito colaborativo unha maqueta que permitira solucionar un dos seguintes problemas do planeta: a extinción das especies, a contaminación en calquera  das súas formas ou problemas forestais.

Toda a etapa de Ed. Primaria colaborou, pensou e enviou os vídeos cos seus proxectos. 

Cal foi a súa consecuencia? 

Convocáronnos en Santiago de Compostela para presentar 3 proxectos representando a todo o alumnado do colexio. 

3 Proxectos cheos de imaxinación e moito traballo detrás, convertíndose un deles  (2º Ed. Primaria) no proxecto gañador a nivel autonómico na categoría de 6 a 8 anos e que viaxará a Madrid o 14 de Xuño á final Estatal.

Noraboa a todos e a todas!

Aquí deixovos un adianto do que Mimi preparou con moita ledicia para os representantes  de 1º e 3º de Ed. Primaria que estiveron estarán detrás dunha mesa defendendo o seu proxecto!

Sodes todos uns gañadores!!!

3º Ed. Primaria

1º Ed. Primaria

XORNADA DIXINNOVA E PREMIO DIGICRAFT

      O mércores 11 de maio, todo o alumnado de Educación Primaria do CPI Virxe da Cela viaxou a Santiago de Compostela, á Cidade da Cultura para acudir ao 1º Congreso de innovación educativa e dixital. No transcurso da xornada tiveron ocasión de participar en diferentes obradoiros: un de paseo “virtual” que contemplaba actividades do ámbito da educación física; outro, de realización de actividades interactivas, do entorno virtual de aprendizaxe, no marco do espazo edixgal, referidas, nesta ocasión, aos inventos tecnolóxicos ao longo da Historia, centrándose nos da Idade Media e outro dos obradoiros tratou sobre a aplicación da impresora 3D.  

     Ademais contaron coa conferencia dada por David Aguilar, un mozo andorrano de 23 anos que construiu as súas propias próteses de brazo con pezas de Lego e chegou a explicar o seu último modelo na mesma NASA. Hoxe en día, ademais de estudiar Bioenxeñería, está volcado, entre outros proxectos, na axuda a un neno de 8 anos, con circunstancias semellantes ás del, preparándolle a prótese personalizada.         Como colofón, todos puideron observar a participación de moitos colexios galegos no Superrreto Digicraft, programa de competencias dixitais da Fundación Vodafone, presentando diversos proxectos relacionados coa solución aos problemas medioambientais.

  

         E, o máis emocionante chegou coa entrega de premios aos mellores proxectos nas categorías de 6-8 anos e de 9-12 anos, resultando gañador, na primeira franxa de idade, as alumnas de 2º Educación Primaria do CPI Plurilíngüe Virxe da Cela: Lucía, Noa e Sara, capitaneadas pola profesora Cristina Lage. Xunto a elas o outro colexio premiado na sección de 9-12 anos foi o CEIP plurilíngüe Javier Sensat de Vigo. Ámbolos dous grupos gañadores representarannos no certame final a nivel nacional que se celebrará en Madrid na sede da Fundación Vodafone ,o vindeiro 14 de xuño. 

 Ánimo e sorte ás nosas representantes!

Aquí podedes ver toda a actividade do I Congreso de Innovación Educativa e Dixital DixInnova 2022:

https://www.youtube.com/watch?v=BAHx3hsWStM

Entrega de Premios

1º Ed. Primaria explicando ó xurado

3º Ed. Primaria preparando o Proxecto

2º Ed. Primaria presentando o seu Proxecto

Preparando O "Superreto Digicraft 2022"

 

Preparando O "Superreto Digicraft 2022"

A semana pasada recibíamos unha boa nova, comunicábasenos que o noso centro fora seleccionado para participar na fase final autonómica do SuperReto DigiCraft 21-22 que se celebrará mañá mércores 11 de maio nunha xornada incluída no contexto do I Congreso DixInnova 2022 organizada a Consellería de Cultura, Educación e Universidade no Edificio Fontán, Cidade da Cultura en Santiago de Compostela.

Un Superreto que consistía en crear de xeito colaborativo unha maqueta que permitira solucionar un dos seguintes problemas do planeta: a extinción das especies, a contaminación en calquera  das súas formas ou problemas forestais.

Toda a etapa de Ed. Primaria colaborou, pensou e enviou os vídeos cos seus proxectos. 

Cal foi a súa consecuencia? 

Mañá convocáronnos en Santiago de Compostela para presentar 3 proxectos representando a todo o alumnado do colexio. 

3 Proxectos cheos de imaxinación e moito traballo detrás, que participarán nun gran reto, convertirse no proxecto gañador a nivel autonómico na categoría de 6 a 8 anos, fronte a outros máis de 20 colexios seleccionados de entre todos de toda Galicia. 

Moita sorte, pero, para nós, e en especial para mín, tanto os que ides mañá a representarnos coma todos/as os que participastes nestes días rematando os vosos proxectos, practicando e grabando en calquera oco da mañá e da tarde, sodes todo uns auténticos gañadores!!!

Aquí deixovos un adianto do que Mimi preparou con moita ledicia para os representantes que mañá estarán detrás dunha mesa defendendo o seu proxecto!

Moita Sorte!!!

Os/as outros/as gañadores/as:

1º Ed. Primaria:

2º Ed. Primaria:

3º Ed. Primaria:

4º Ed. Primaria:

5º Ed. Primaria:

6º Ed. Primaria: