CIRCUITOS ELECTRÓNICOS E MÁQUINAS SIMPLES

 

CONTO MUSICADO POLO ALUMNADO DE 2º EP

O alumnado de 2º EP visitou a aula de Ferraganchos para realizar a gravación e a edición dun conto musicado que servirá de base para a súa actuación no Festival dos Maios que terá lugar mañá venres 31 de maio de 2024. Utilizaron como base musical un fermoso conto tradicional xaponés titulado Akai Hana, musicada polo compositor Mie Nakabayashi. Akai Hana conta a historia de amor dun mozo que lle regala unha flor vermella á súa namorada e cando a pon na cabeza é tan fermosa como o sol, e cando lle regala unha flor branca e a pon na cabeza é tan fermosa coma a lúa. 

Unha vez redactada a historia na súa aula, utilizaron o programa Audacity para gravar a narración, e posteriormente editala para que coincidise nas partes da melodía que cadraban ben coa historia que se quería narrar a través da coreografía. 

É moi importante poder dominar a tecnoloxía da que dispoñemos no centro para facer proxectos noutros ámbitos, sobre todo nunha conmemoración a nivel de centro da cal disfrutaremos toda a comunidade educativa. 

VIDEOTITORIAL CÓDIGO SECRETO.

Outra parte fundamental que se intenta dinamizar a través do Clube de Xogos de mesa, é a creación de contido audiovisual en galego. Por iso, no clube de xogos de mesa, tras crear a versión galega do Código Secreto, decidimos gravar o videotitorial explicando a dinámina e regras do mesmo.

CLUBE DE XOGOS DE MESA

 Outro curso máis, durante os leceres de comedor, o alumnado (de 4º EP a 4º ESO) tivo a posibilidade de desfrutar quincenalmente das xuntanzas do clube de xogos de mesa.

Este curso, case 40 alumnos participaron das xuntanzas do clube, elaborando como producto final do mesmo un "código secreto" con vocabulario en galego, dinamizando así a nosa linga ao reversionar un xogo do que non existe edición galega. 

FORMACIÓN ABX: APRENDIZAXE BASEADO NO XOGO

Na sesión de hoxe estivemos a traballar cos xogos aprendidos na anterior sesión e estivemos a valorar posibles modificacións para ver como se poderían traballar outros aspectos curriculares cos mesmos xogos.

 

PROXECTO TODO MÚSICA

Todo música é un interesante proxecto iniciado en decembro de 2023 por Marcos Garabana, un alumno de 3º de ESO que cursa as materias de Música e Educación Dixital. Consiste nunha lista de música de corenta cancións onde toda a xente da comarca e dos arredores pode votar rellenando un cuestionario. Neste tamén se poden votar as cancións a entrar a semana vindeira e podes recomendar candidatos.Explicado coas súas propias palabras:

Para facer a lista cada semana descargo os videos de YouTube cun convertidor de YouTube a MP4, en concreto este mesmo: YT5s (Convertidor de Youtube a MP4 | YT5s) e logo pásoas a Canva (canva.com/projects). Córtoas para poñer so no video de cada semana a parte do estribillo de cada canción para que quede mellor e a xente escoite as cancións na súa mellor parte. Por último para calcular os votos poño as respostas do cuestionario nunha folla de cálculo e vanme saíndo os postos. Logo como xa dixen poño todo en Canva, uns retoquiños e listo. Pero claro, cando sae a lista hai que actualizar a web oficial e a playlist. Cada semana sae unha lista, normalmente os sábados aínda que algunhas semanas saen os miércoles da siguiente. Marcos Garabana Tojeiro

EDUCACIÓN INFANTIL UTILIZA A CORTADORA-GRAVADORA LÁSER COMO RECURSO

Cada vez que o CFR de Ferrol empréstanos a cortadora-gravadora láser sempre se nos ocorren ideas múltiples para levar a cabo. Todo o que se pode facer con esta máquina queda moi chamativo e é moi útil. Nas aulas de educación infantil emprebaron este recurso para facer material de uso cotiá, como as medallas de encargados para a asamblea, o noso identificativo a nivel grupal e tamén unha medalla para empregar nos cumpreanos.

A HISTORIA FAMILIAR A TRAVÉS DA FOTOGRAFÍA DOCUMENTAL

O alumnado de 3 anos de EI levou a cabo durante o segundo trimestre un proxecto sobre a historia familiar a través da fotografía documental. Os nenos e nenas aprenderon a percibir o paso de tempo a través da fotografía, iniciando este proceso elaborando unha árbore xeneralóxica sobre a súa familia, explicando os seus membros, a súa relación e falamos dos diferentes tipos de familias. Para fomentar a narrativa visual, crearos monicreques con fotografías dos seus familiares e elaboraron unha historia nun teatro de sombras.

Logo con imaxes antigas sobre o seu seo familiar, as familias relataban quen eran os seus antepasados. Despois, eles mesmos comunicaban isto aos seus compañeiros e a toda a comunidade educativa dende Radio Xesteira.

Engadiron a creación dunha historia modular, realizada con imaxes das súas casas e casas abandonadas da zona, enriquecendo o patrimonio cultural da zona. Con todo este traballo mesturando a creatividade, a fotografía e o patrimonio familiar e cultural da zona damos por finalizado este proxecto.

Para todo isto contamos coa axuda na nosa súper mestra de prácticas Sara que é unha artista!

RTVENXEBRE E RADIO XESTEIRA: A VOZ DA INFANCIA RURAL

A radio é un unha ferramenta pedagóxica e dixital utilizada no noso centro educativo desde hai varios anos. Ademais do uso libre que se fai desta ferramenta por parte do profesorado e grupos de alumnado, participamos en diferentes programos e proxectos radiofónicos tanto de maneira institucional como a través de colaboracións. Queremos destacar a importante axuda que a Fundación Ayuda en Acción está a ofrecer no noso centro desde hai máis dunha década para a loita contra as desigualdades e fomentar a igualdade de oportunidades. 

RTVEnxebre é un proxecto de Ayuda en Acción co apoio da Xunta de Galicia. Desenvolve: AGARESO, Asociación Galega de Comunicación para o Cambio Social. Fomentar a participación infantil, favorecer a inclusión e o desenvolvemento socio educativo da infancia rural e a posta en valor da cultura rural galega son os obxectivos que a Fundación Ayuda en Acción marcouse xa no ano 2018 para dar inicio a este proxecto, a través da creación de tres radios rurales escolares nas localidades coruñesas de Mazaricos, Zas e Monfero. 

Contamos co apoio de profesionais que visitan o noso centro quincenalmente para ofrecer formación ao alumnado de educación primaria, e así permitir alzar a voz e participar activamente aos escolares, falando dos temas que lles preocupan. Neste curso 2023-2024 realizáronse variados podcast que queremos compartir coa comunidade educativa:

Preme a imaxe ou ligazón para acceder a Radio Xesteira en Ivoox

https://www.ivoox.com/podcast-radio-xesteira-a-radio-do-cpi-virxe-da_sq_f11267344_1.html

O mar: Programa completo realizado polo alumnado de 3ºEP. Programa con todos os contidos realizados durante o curso polos nenos e nenas de 3º de primaria na súa investigación sobre o mar.

O abandono animal: Programa completo realizado polo alumando de 4ºEP con todos os contidos realizados durante o curso polos nenos e nenas de 4º de primaria na súa investigación sobre o abandono animal.

A muller no rural: Programa completo do alumando de 5ºEP, con todos os contidos realizados durante o curso polos nenos e nenas de 5º de primaria na súa investigación sobre a Muller no rural.

Os deportes: Programa completo do alumnado de 6ºEP con todos os contidos que realizaron durante o curso os mozos e mozas de 6º de primaria no seu proceso de investigación sobre os deportes.

Entrevista a Mikel Pasabant, campión de vela, polo alumnado de 6º. O alumnado de 6º centrou a súa investigación nos deportes, e quen mellor para falar dun deles, que un campión! Mikel Pasabant que ademáis de ser profe de inglés no cole é tamén campión de vela! e moito máis, xa veredes!!

Entrevista a Dolores Porto, Granxas Lousada: Doleres, nai de Antón e propietaria da granxa Lousada en Irixoa responde a un montón de interesantes preguntas que lle fan os nenos e nenas de 5º de primaria.

Entrevista a Sandra Amezaga de Mulleres Salgadas. A que sabe o peixe? quen son e que fan as Mulleres Salgadas? que podemos facer os nenos e nenas para reducir a contaminación dos mares? Estas son só algunhas das cuestións que o alumnado de 3º de primaria decidiu preguntarlle a Sandra Amezada, secretaria da Asociación Mulleres Salgadas, que se pasou pola nosa radio nestes días. Grazas Sandra!!

O alumnado de 4ºEP entrevista a Marisé da protectora de animais de Irixoa. Cales son as principais causas do abandono animal? Que hai que facer cando atopas un animal abandonado? Marisé, da protectora de animais Francisco de Asis de Irixoa responde tódalas dúbidas plantexadas polo alumnado de 4º...e foron moitas!!!

Os deportes preferidos dos mozos e mozas de 6º. Queres coñecer cales son os deportes preferidos do alumnado de 6º ? e por que? Pois non perdas esta pequena peza onde nolo contan!

Pasapalabras sobre o mar con 3ºEP. Canto sabes sobre os animais mariños? Xoga co alumnado de 3º a un Pasapalabras radiofónico moi especial

Faladoiro sobre a muller no rural con 5ºEP. Os nenos e nenas de 5ºEP participan nestes interesantes faladoiros onde dan a súa opinión sobre a imaxe que se ten do rural dende as cidades, os traballos que realizan mulleres no rural ou se hai verdadeira igualdade entre os homes e as mulleres, entre outros temas. Moi recomendable escoitar o que teñen que dicir!

Como foi a visita da asociación 13 GRADOS? O alumnado de3 º EP cóntanos como foi a visita que tiveron no colexio da Asociación 13 GRADOS que se encarga entre outras cousas de gravar os fondos mariños de Galicia.

1º Conto sobre o abandono animal por 4º de EP. O alumnado de 4º EP, presenta o primeiro dos contos que realizaron sobre o abandono animal...pero estade pendentes porque hai máis!

2º conto sobre o abandono animal por 4ºEP. O alumnado de 4º EP, presenta o segundo dos contos que realizaron sobre o abandono animal.

3º Conto sobre o abandono animal cos nenos e nenas de 4º EP. Cun ton moi distinto aos dous contos anteriores, o terceiro grupo de 4º propón esta historia que ben podía estar sacada dunha lenda de Samaín...que medo!!

Faladoiro sobre o abandono animal con 4ºEP. Tes animais na casa? que farías se algún se perdera? que sinten os animais cando se abandonan? O alumnado de 4ºEP danos a súa opinión sobre a temática que traballaron durante todo o curso: o abandono animal.

O alumnado de 3º EP cóntanos o que aprendeu durante o proxecto. Queres saber o que aprenderon os nenos e nenas de terceiro? pois eles e elas mesmas no lo contan nesta peza!!

Recomendacións do alumnado de 3º EP. Os nenos e nenas de terceiro de primaria investigaron sobre o mar durante todo o curso. Despois de todo este traballo, atoparedes nestras tres pezas radiofónicas as súas principais recomendacións.

Aprendizaxes e recomendacións do alumnado de 4º EP. Tras todo un curso investigando sobre o abandono animal, aquí podedes escoitar as aprendizaxes e tamén as recomendacións que nos fan os nenos e nenas de cuarto de primaria.

Aprendizaxes e recomendacións do alumnado de 5º EP. Os nenos e nenas de quinto de primaria cóntannos nestas tres cuñas as súas reivincicacións e aprendizaxes sobre "A Muller no rural", a temática que escolleron e traballaron durante todo o curso.

Aprendizaxes e recomendacións do alumnado de 6º EP. Despois de todo un curso investigando sobre os deportes aquí están as principais aprendizaxes e as recomendacións que nos fai o alumnado de 6º de primaria. Escoitade que hai cousas ben interesantes!

A experiencia en RadioTVEnxebre-Radio Xesteira do alumnado de 3ºEP. Os nenos e nenas de 3º de primaria fan un balance da súa experiencia radiofónica e de participación infantil en RTVEnxebre-Radio Xesteira este ano.

A experiencia en RadioTVEnxebre-Radio Xesteira do alumnado de 4ºEP. Neste pequeno programa o alumnado de 4º de primaria fai un pequeno resumo da súa experiencia radiofónica e de participación infantil en RTVEnxebre-Radio Xesteira este ano.

A experiencia en RadioTVEnxebre-Radio Xesteira do alumnado de 5ºEP. O alumnado de 5º de primaria fai un balance da súa experiencia radiofónica e de participación infantil en RTVEnxebre-Radio Xesteira este ano.

A experiencia en RadioTVEnxebre-Radio Xesteira do alumnado de 6ºEP. Neste pequeno programa o alumnado de 6º de primaria fai un pequeno resumo da súa experiencia radiofónica e de participación infantil en RTVEnxebre-Radio Xesteira este ano.

PROGRAMACIÓN XUÑO AULA NOVAS TECNOLOXÍAS BETANZOS

 

CEMIT Betanzos Programacion... by veracruces

COSTURA E TÉXTILES: PANCARTA FEIRA SOLIDARIA

Alumnado de 4º da ESO posan coa súa profesora de Educación Plástica, Visual e Audiovisual (Marta Novo), ensinando a pancarta que realizaron para acompañar ás Feiras e Rastros Solidarios que levamos celebrando desde fai máis dunha década no noso centro educativo, promovidos por Monferosolidario. O alumnado participou democráticamente na elección do deseño e dos materiais, e neste caso elixiuse a utilización de téxtiles e costura para acompañar á técnica de estampación en tinta. Utilizando unha máquina de coser poideron unir as letras de tela no texido da pancarta, e deste modo teremos unha lona que se poderá lavar e reutilizar tantos anos como queiramos!

FORMACIÓN ABX

Dentro da formación continua do profesorado, unha das liñas de traballo na que nos estamos a formar, é a aprendizaxe a partir de xogos de mesa. O ponente Francisco Pérez, chegou para ensinarnos o concepto ABX, a relación entre o ABX e os currículos (D150/2022 e D155/2022). O relator comezou ensinándonos a diferenza entre "Serius Game", "Gamificación" e "ABX". A partir diso, exemplificou como na súa aula, a través das estacións de aprendizaxe (nas que inclúe o xogo), introduce o traballo, seguimento e avaliación de diferentes materias como CCNN e CCSS. Rematamos a sesión analizando a relación de 3 xogos co curriculum.

KITS SINGULARES POLOS CREATIVOS

O alumnado de educación primaria do CPI Plurilingüe Virxe da Cela puxo a proba a súa creatividade e inventiva utilizando os diferentes materiais Kits Singulares proporcionados dentro do programa Polos Creativos. Se queredes ver unha pequena mostra dos traballos realizados animámosvos a visionar o seguinte vídeo.

VIDEOPRODUTO E PRESENTACIÓN INTERACTIVA "BUSCANDO EVIDENCIAS"

 

"Buscando Evidencias" é o videoproduto elaborado polo CPI Plurilingüe Virxe da Cela (Monfero, A Coruña) para difundir a súa participación  na III Fase do Programa Observa-Acción durante o curso 2023-2024.

Se queredes afondar máis nas evidencias recollidas durante os meses que se desenvolveu o programa (de outubro 2024 a maio 2024), podedes visitar esta presentación interactiva realizada con Genial.ly, unha ferramenta en liña para crear todo tipo de contidos visuais e interactivos de maneira rápida, e coa posibilidade de uso individual ou en equipo, característica que a fai idónea para realizar traballos de maneira colaborativa.

ENTREVISTA RADIOFÓNICA A MIKEL PASABANT

 

Mikel Pasabant, deportista de élite na especialidade de vela, que compaxina a súa paixón co deporte coa faceta de docente no propio CPI Virxe da Cela, onde imparte a materia de inglés na ESO e realiza o cargo de Xefe de Estudos en secundaria. 

CONCURSO VOUCHO CONTAR. PRENSA ESCUELA

O 8 de maio de 2024 o suplemente "La Voz de la Escuela " do xornal La Voz de Galicia fai mención ao CPI Virxe da Cela, describindo o podcast radiofónico realizado polo alumnado de 3º da ESO que participou no concurso "Voucho Contar" de La Voz de la Escuela.

"En el CPI Plurilingüe Virxe da Cela de Monfero, por su parte, este concurso sirvió para trabajar una noticia de actualidad, como es la guerra entre Israel y Hamás, y los estudiantes de la asignatura Proxecto competencial elaboraron un pequeño programa de actualidad, la dramatización de un programa de entrevistas a gente que vive en Gaza".

XORNADA DE REFLEXIÓN PARA COORDINADORES POLOS CREATIVOS

O xoves 9 de maio de 17:00 a 19:00, no CFR de Ferrol, tivo lugar a xornada de reflexión presencial no CFR de Ferrol para as persoas coordinadoras de Polos Creativos. Esta xornada estaba plantexada non so para explicar as evidencias de coordinación e resolución de dúbidas á hora de presentar memorias finais, senón como un espazo de intercambio de boas prácticas en formato mini feira expositiva para compartir experiencias ou actividades desenvolvidas durante este curso académico. O noso centro, CPI Plurilingüe Virxe da Cela, tivo a oportunidade de levar unha pequena mostra física de traballos realizados no marco Polos Creativos (kits singulares, impresión láser, robótica, traballo con resinas), así como unha pantalla expositiva onde se podía visualizar o noso blog https://castelabvirxedacela.blogspot.com/

ROBÓTICA EN EDUCACIÓN INFANTIL

Na aula de 4 de educación infantil, usamos a robótica para traballar a lectoescritura e as habilidades metafonolóxicas.

Co tale-bot levamos a cabo tarefas onde desenvolvemos as vogais e os seus nomes: identificando as coordenadas para atopar unha imaxe que comezara por…, contando o número de sílabas, identificando o seu nome mediante lecto global e o dos seus compañeiros/as. 

SEGUNDA FORMACIÓN EN E-TÉXTILES

Eva Leira Bouzamayor visita o noso centro o martes 7 maio 2024 para impartir o segundo dos obradoiros programados sobre o E-téxtil dentro do PFPP Polos Creativos. Eva axudou aos participantes a repasar os contidos sobre circuitos eléctricos abordados na primeira sesión formativa, e posteriormente, agulla en man, xa demos paso a traballar con telas e poñer en práctica a maxia da electrónica sobre este soporte. Son múltiples as opcións a realizar, e estas se poden ver multiplicadas se engadimos unha placa microbit. 

ELABORACIÓN DE ENQUISAS E ANÁLISE DE DATOS

Durante o segundo e terceiro trimestre do curso 2023-2024 o alumnado de 3º ESO Educación Dixital está a realizar un proxecto colaborativo  que consiste nunha sondaxe de certos temas de interese, gustos e hábitos na adolescencia, tendo como grupo de referencia o alumnado que cursa a ESO do CPI Plurilingüe Virxe da Cela. O alumnado de 3º da ESO da materia Educación Dixital, agrupado en parellas, está a levar esta interesante situación de aprendizaxe dividida en varias fases: 

• 1ª FASE: Deseño dun formulario Google para a realización da enquisa-sondaxe (alumnado 3º ESO Educación Dixital)
• 2ª FASE: Realización da enquisa-sondaxe polo alumnado de 1º, 2º, 3º e 4º da ESO.
• 3ª FASE: Análise estatístico e interpretación dos resultados (alumnado 3º ESO Educación Dixital).
• 4ª FASE: Difusión dos resultados entre a comunidade educativa.

Xa deseñados os formularios durante o comezo do terceiro trimestre, o venres 3 de maio de 2024 deuse inicio á segunda fase do proxecto, na que parte do alumnado da ESO desplazouse á aula informática para ir contestando a enquisa. 

Unha vez todos os alumnos/as realicen a enquisa, pasaremos ás fase finais, isto é, ao seu análise estatístico e á interpretación dos resultados, que esperemos servan tanto ao alumnado, profesorado, como ás familias a coñecer máis o perfil dos nosos/as adolescentes e deste xeito poder reformular pautas de actuación que axuden aos nosos rapaces e rapazas a vivir máis satisfactoriamente esta etapa das súas vidas e mellorar a súa saúde física e mental e o rendemento escolar.