INICIACIÓN SEGURA Á PEGADA DIXITAL

 Mércores 27 novembro 2024. O obradoiro ten unha duración de 2 sesións, e dirixido ao alumnado de 1º e 2º da ESO. É o terceiro ano consecutivo que o noso centro solicita este programa de Iniciación Segura á Pegada Dixital, considerando que é de vital importancia nesta etapa do noso alumnado (adolescencia). Será impartido por David López Buscoy, técnico de AMTEGA (Agencia para a Modernización Tecnolóxica de Galicia). Este programa institucional (Xunta de Galicia) que ten como obxectivo capacitar ao alumnado no uso responsable das TIC, reforzando a competencia en redes sociais, explicando a identidade dixital e axudando a configurar a privacidade, ofrecendo ferramentas de axuda.

O mércores 27 novembro 2024 tivemos unha charla sobre a Pegada Dixital. David López Buscoy, técnico de AMTEGA (Agencia para a Modernización Tecnolóxica de Galicia) contounos cousas como o rápido que seria hackear á xente, pola neglixencia e pouca seguridade que teñen os usuarios.  Ademais mencionou que as fotos e todo o que subes ás redes sociais non se pode borrar, xa que TikTok, Instagram, Whatsapp … almacenan toda esa información en grandes servidores que non eliminan os contidos ao 100%, soamente os esconden ós ollos pero non desaparecen. Retirar estas imaxes pode ser moi difícil, ás veces hai que acudir ás autoridades. Falounos tamén da maneira na que as empresas espíannos indirectamente, coas cookies que almacenan información de gustos e suxerencias que rapidamente convírtense en publicidade que ten que ver con eses gustos e preferenzas. David tamén nos advertiu dos perigos de algúns aparatos domésticos como os altavoces intelixentes, que escoitan as nosas conversas e tradúcennas a publicidade relacionada a esa conversa.  A miña conclusión de todo isto é que as empresas aprovéitanse de nós para xerar cartos coa túa información persoal, cousa que non é nin ética nin legal. Erik Allegue. 2º ESO