Grazas ao PFPP de Polos, poidemos descubrir a multitude de posibilidades que nos ofrece a cortadora láser. Con ela, non só preparamos materias para as rutinas de Educación Infantil, fixemos chaveiros conmemorativos polo 8M, chaveiros para o clube de lectura... senón que ata permitiunos elaborar os nosos propios agasallos de fin de curso para o noso alumnado. Velaquí algúns exemplos:
Esta experiencia radiofónica pretende que o alumnado entenda as causas e as consecuencias dos conflitos bélicos inciden en todas as sociedades. Concretamente o desenvolvemento do obxectivo 16 dentro dos ODS: “Promover sociedades xustas, pacíficas e inclusivas”.
O evento do Globo converteuse nun referente para persoas e organizacións comprometidas coa transformación social, que atopan aquí un espazo para compartir, aprender e inspirarse mutuamente.
Como cada ano, este encontro será o punto de unión para persoas diversas pero cunha mesma inquietude: traballar pola xustiza social. Un espazo para coñecer referentes e, á súa vez, converterse en referentes para outras persoas.
O encontro xira ao redor dunha Feira de Microexperiencias de Transformación Social, onde entidades e colectivos amosarán os seus proxectos e iniciativas. Entre elas o alumnado de 6º curso do noso centro. Pero tamén haberá lugar para a arte, o humor e a radio, disciplinas que nos permitirán reflexionar de forma conxunta sobre como colaborar para construír un mundo máis xusto.
Toda unha experiencia de convivencia na que compartir iniciativas e aprendizaxes!!!
Dende a área de música de Educación Primaria comezamos a introducir os Kits Singulares achegados pola Consellería. Para empregalos, era preciso contar con ordenadores, polo que usáronse co alumnado de 5º e 6º ao contar con dispositivos E-dixgal.
Este kit singular permitiu que o alumnado crease diferentes melodías seguindo as pautas indicadas nas partituras.
“Radio cun sorriso” é unha iniciativa do CPI Virxe da Cela para traballar na consecución dos obxectivos de desenvolvemento sostible (ODS) e o benestar empregando a radio como unha ferramenta de aprendizaxe e cambio social en colaboración con Agareso (Asociación Galega de Comunicación para o Cambio Social)
O alumnado da ESO desenvolveu as súas competencias comunicativas a través do diálogo e da reflexión sobre os temas que máis lles preocupan, sempre dende unha perspectiva positiva e tentando achegar solucións. Cómpre dicir que as temáticas enfocáronse cara ao tratamento dos ODS partindo da análise e posta en valor da realidade contextual do alumnado e contando con referentes significativos da súa realidade para enfocala despois cara a unha visión máis global. Neste caso camiñamos cara a valoración e a consecución do Obxectivo 3: Garantir unha vida sa e promover o benestar para todos en todas as idades.
A través da micro-experiencia “Radio cun sorriso: Suicidio xuvenil e saúde mental”, 10 alumnas e alumnos de 4º ESO reflexionaron, investigaron e tiraron conclusións sobre a importancia da saúde mental e das consecuencias que pode chegar a ter unha persoa que presente problemáticas relacionadas con esta. Para darlle visibilidade ás súas inquedanzas empregaron a radio como soporte e elaboraron un programa radiofónico que inclúe a presentación do tema, datos estatísticos a nivel autonómico e estatal, unha entrevista con recomendacións dunha profesional e as reflexións do grupo sobre o tema.
As micro-experiencias desenvólvense en tres etapas:
LUCES
As alumnas e os alumnos escolleron democraticamente a temática de interese coa técnica da diana, isto é, escribiron diferentes preocupacións nuns papeliños que logo foron pegando nunha diana desde o centro ata fóra segundo o seu nivel de importancia. Desta dinámica saíron dous temas principais: o racismo e a pedofilia. A través da metodoloxía da árbore de problemas, identificaron as causas e as consecuencias dos problemas principais e, por último, escolleron a temática do suicidio xuvenil entre outras temáticas como a perda de falantes en lingua galega, a inmigración ou o racismo. Observaron como remataron por escoller para a súa investigación unha das consecuencias dunha das problemáticas iniciais e non a propia problemática. Con todo isto elaboraron a introdución do programa de radio.
Ao introducírense na temática do suicidio xuvenil precisaban aclarar varias cuestións que lles xeraban curiosidade e das que non tiñan coñecementos, como por exemplo: cantas casos hai de suicidios na nosa comunidade, cales son as causas que poden levar a unha persoa a tomar esa decisión, se hai un soporte sanitario eficaz para atender as persoas que precisan axuda, como se pode axudar a evitar este problema, etc. Para isto decidiron investigar fontes informáticas como:
https://www.sanidad.gob.es/gabinete/notasPrensa.do?id=6418 https://www.savethechildren.es/actualidad/suicidios-adolescentes-espana-factores-riesgo-datos , https://www.aldeasinfantiles.es/area-prensa/aldeas-infantiles-sos-urge-a-la-sociedad-en-su-conjunto-a-prevenir-el-suicidio-adolescente-y-juvenil
https://www.sergas.es/Asistencia-sanitaria/Plan-de-prevenci%C3%B3n-do-suicidio-en-Galicia?idioma=es
https://www.stopsuicidiogalicia.org/o-suicidio/
Ademais, acordaron entrevistar á Orientadora do centro para buscar respostas á súa preocupación.
ACCIÓN
Recollida toda a información, para gravaren un programa radiofónico que reflectise a importancia da saúde mental na nosa sociedade, as alumnas e alumnos elaboraron un guión que lles facilitou o desenvolvemento do seu traballo. Concretaron unha entrevista con Lara Real, a Orientadora do centro e Psicóloga, e coñeceron de primeira man moitos aspectos sobre a realidade do suicidio xuvenil.
O alumnado de 4º da ESO descubriu que a saúde e o benestar son dereitos que a sociedade debe ter garantidos. Ás veces, a sanidade non é quen de atender todos os casos e cando chega a atención xa é tarde para as persoas que sofren algunha doenza. As rapazas e rapaces do grupo concienciáronse da importancia da saúde e, máis concretamente, da saúde mental xa que, malia non o consideraren, este é un problema que lle afecta tamén á mocidade e podería incluso afectarlles directamente. Asemade, desenvolveron empatía cara ás persoas afectadas e quixeron salientar a importancia do suicidio xuvenil e crear conciencia na comunidade educativa sobre a importancia da boa saúde, dos estilos de vida saudables e do dereito das persoas a uns servizos de atención médica de calidade, especialmente cara aos máis vulnerables, coma as mulleres e os nenos.
Con metodoloxías activas e participativas que buscan a participación social e o cambio, estas rapazas e rapaces investigaron para logo faceren unha análise crítica das súas pesquisas e ofrecer alternativas para o dito cambio empezando polo propio autocoidado.
Ademais, a radio serviulles de ferramenta indispensable para a difusión desta actividade e para levar as súas ansias, investigacións e conclusións máis aló da sala de gravación e, deste xeito, chegar a toda a comunidade educativa e a todo aquelas persoas que teñan a ben escoitar a rapazada activa e crítica.
Pódese escoitar o programa radiofónico no seguinte enlace: ……………………………………….....
“Radio cun sorriso” é unha iniciativa do CPI Virxe da Cela para traballar na consecución dos obxectivos de desenvolvemento sostible (ODS) e o benestar empregando a radio como unha ferramenta de aprendizaxe e cambio social en colaboración con Agareso (Asociación Galega de Comunicación para o Cambio Social)
O alumnado da ESO desenvolveu as súas competencias comunicativas a través do diálogo e da reflexión sobre os temas que máis lles preocupan, sempre dende unha perspectiva positiva e tentando achegar solucións. Cómpre dicir que as temáticas enfocáronse cara ao tratamento dos ODS partindo da análise e posta en valor da realidade contextual do alumnado e contando con referentes significativos da súa realidade para enfocala despois cara a unha visión máis global. Neste caso camiñamos cara a valoración e a consecución do Obxectivo 4: Garantir unha educación inclusiva, equitativa e de calidade e promover oportunidades de aprendizaxe durante toda a vida para todos.
A través da micro-experiencia “Radio cun sorriso: Esta é a nosa hora”, 18 alumnas e alumnos de 1º ESO reflexionaron, investigaron e tiraron conclusións sobre a importancia do seu horario escolar e a repercusión nas súas propias vidas a todos os niveis. Para darlle visibilidade ás súas inquedanzas empregaron a radio como soporte e elaboraron un programa radiofónico que inclúe a presentación do tema, o punto de vista da maioría dos axentes implicados, as conclusións e as posibles solucións ás súas preocupacións.
As micro-experiencias do Globo desenvólvense en 3 fases:
LUCES
As alumnas e os alumnos escolleron democraticamente a temática de interese coa técnica da diana e, a través da metodoloxía da árbore de problemas, identificaron a problemática do horario escolar no centro, analizaron as causas e tamén as súas consecuencias. Con todo isto elaboraron a introdución do programa de radio.
Ao introducírense na temática do horario escolar decidiron investigar varias cuestións que lles xeraban curiosidade e das que non tiñan coñecementos, como por exemplo: quen decide os horarios dos centros escolares, a posibilidade de modificar esa cuestión desde o centro ou mesmo a historia do seu horario. Para isto decidiron recorrer a fontes de información do propio centro e pensaron que entrevistar ao Secretario sería unha boa opción para obter respostas. Mais a opinión dunha persoa non era suficiente para facer un estudo completo da situación e tomaron a decisión de elaborar enquisas sobre o tema para o resto do alumnado do centro e tamén para as familias.
Elaboradas as enquisas só quedaba repartilas polas aulas e recollelas unha vez finalizadas. Para iso, as alumnas e os alumnos organizáronse en pequenos grupos e encargáronse da tarefa. Por outro lado, tamén había que recompilar información da parte das familias e o grupo decidiu que todas e todos participarían nese labor a nivel individual, ben con gravacións de voz, ben con recollida escrita de testemuños.
Unha vez recollidos os datos, organizáronos en gráficas e analizáronos para chegar a unha conclusión sobre a visión xeral desta cuestión tan importante para o grupo. As súas preocupacións xa non eran só súas, pois identificaron que tamén lle preocupaban á maioría do alumnado do centro e a moitas das familias entrevistadas, por diferentes motivos.
O alumnado de 1º da ESO que participou nesta experiencia partiu da súa propia visión e opinión sobre o horario escolar e concluíu o seu labor cunha perspectiva que ía máis aló do propio grupo, pois fixeron visible unha inquedanza que está presente na comunidade educativa desde hai anos e reabriron o debate dun posible cambio da xornada escolar. Con metodoloxías activas e participativas que buscan a participación social e o cambio, estas rapazas e rapaces investigaron para logo faceren unha análise crítica das súas pesquisas e ofrecer alternativas para o dito cambio.
Ademais, a radio serviulles de ferramenta indispensable para a difusión desta actividade e para levar as súas ansias, investigacións e conclusións máis aló da sala de gravación e, deste xeito, chegar a toda a comunidade educativa e a todo aquelas persoas que teñan a ben escoitar a rapazada activa e crítica.
Pódese escoitar o programa radiofónico premendo neste enlace:
Sumando Polo Creativo, Biblio Creativa e a área de proxecto competencial o alumnado do 5º curso da Ed. Primaria realizou todo o proceso de confección destes fermosos chalecos: fixeron os patróns, cortaron, coseron, deseñaron e pintaron...
Foi unha labor de deseño e creación digna de persoas expertas na costura para elaborar os novos chalecos que lucirán o alumnado colaborador da biblio.
Pero nesta tarefa tiveron unha gran axuda: unha das nosas nais que se achegou á clase no proceso de elaboración: moitísimas grazas Gloria!!!
Tamén, para cortar contamos coa presencia de alumnado da Facultade de Formación do Profesorado de Lugo (USC).
O traballo se é compartido é moito máis sinxelo!!!
Imaxes das creacións e do carrito elaborado para as mesmas.
.png)
.png)
Dende hai uns días, dentro da dotación de Polos Creativos, contamos cunhas gafas de VR que nos permiten disfrutar de diferentes Galiversos para aprender sobre eles e ver as diferentes posibilidades educativas que poden oferecernos. Grazas as gafas, podemos entrar dentro da cripta do Apóstolo, descubrir o Portomarín vello, subir á Torre de Hércules, entrar dentro dun cadro de Peteiro ou mesmo percorrer o mundo somerxido galego coñecendo baleas, sardiñas, bateas.... ata astrolabios de pecios perdidos!
A Aprendizaxe Baseado no Xogo (ABX), xa forma parte da vida do noso centro, dende fai varios cursos tanto o alumnado de Educación Primaria como o de Educación Secundaria participa nun Club de Xogos de Mesa no que están a aprender diferentes contidos curriculares á par que se divirten. Ademais, este curso, dentro da etapa de Educación Infantil, os Exploradores de Monfero (alumando de 5º de Educación Infantil), integraron a ABX na súa aula.
Como despedida do curso, o alumnado participante no clube (5º e 6º de Educación Primaria) en conxunto cos Exploradores, participaron nun o obradoiro da Bibliteca Creativa no que Aurora, de Alita Cómics, dinamizará con eles os novos xogos de mesa que chegaron ao centro estes días
Os polos creativos son espazos educativos que fomentan o pensamento de deseño, o prototipado e o desenvolvemento de competencias crave. Dentro de está perspectiva construímos dous modelos de pontes aproveitando os recursos dos Kits de Polos creativos aportados polo CFR de Ferrol ao centro.
Nesta actividade tivemos que realizar diferentes procesos experimentando e aprendendo conceptos físicos como as forzas, as tensións ou explorar conceptos de enxeñería como
as formas estruturais e as aplicacións prácticas do deseño e da construción dunha maneira creativa. Ao tempo, empregamos varios recursos da dotación do Polo creativo como son as pezas kapla ou impresión 3D. Empregamos unha serie de bridas de plástico branco para manter as unións e tensores metálicos para traballar as tensións.
O primeiro modelo que creamos foi unha ponte de tesoira. Este tipo de ponte caracterízase pola súa estrutura que comeza cunha estrutura en madeira de forma cadrada pero que incorpora tensores, que permiten que se expanda e contraia como unha tesoira.
As pontes de tesoira adoitan utilizarse como pasarelas temporais ou móbiles, e poden ser útiles en situacións onde se necesita unha estrutura fácil de transportar e instalar. Na súa montaxe vense perfectamente a importancia das tensións neste tipo de construcións.
O segundo modelo elaborado foi unha ponte de celosía, estrutura que utiliza unha serie de estruturas en forma de triángulos interconectados para distribuír o peso e proporcionar resistencia estrutural. Aprendemos que este tipo de ponte conta cunha gran eficiencia no uso de materiais e moita capacidade para cubrir grandes distancias.
As pontes de celosía compóñense de varios elementos crave:
A disposición destes elementos en forma de triángulos é crucial, xa que os triángulos son estruturas moi estables que distribúen as forzas de maneira eficiente.
Desta forma as pontes de celosía poden soportar cargas tanto de compresión como de tensión, o que os fai adecuados para diversas aplicacións.
Para darlles a configuración de produtos finais relevantes incorporamos ás pontes un taboleiro superior para que as pontes sexan aproveitados no areeiro da Ed. Primaria nas súas construcións.
.png)
Dende a Unidade de Divulgación Científica e Cultural e dende o Servizo de Normalización Lingüística da UDC, así como dende o Servizo de Coordinación Estratéxica e Innovación da Secretaría Xeral Técnica da Consellería de Educación da Xunta de Galicia, achégannos un almanaque que nos achega a 365 efemérides do ámbito científico.
Pola conmemoración das Letras Galegas, dende o equipo de Polos Creativos estivemos a preparar unhas pandeiretas coa impresora 3D para agasallarllas ao noso alumnado. Puidemos facelas grazas a unha compañeira do CEIP Juana de Vega que compartiu o deseño en .gcode públicamente nas súas redes sociais: graciñas compañeira por compatir o deseño!
Velaquí o resultado:
Nivelar estruturas, apertar parafusos e dar unha man de
aceite.
Da gusto o alumnado de 6º curso da Ed. Primaria, traballo cooperativo para a Comunidade!!!
Imaxe autoeditada do proceso de restauración.
Esta experiencia radiofónica pretende que o alumnado entenda as causas e as consecuencias dos conflitos bélicos inciden en todas as sociedades. Concretamente o desenvolvemento do obxectivo 16 dentro dos ODS: “Promover sociedades xustas, pacíficas e inclusivas”. (https://www.un.org/sustainabledevelopment/es/peace-justice/)
Na primeira sesión compartimos diferentes temas de interese para decidir a que temática que iamos tratar no programa de radio. O alumnado do 6º curso da Ed. Primaria do CPI Virxe da Cela decidiu investigar sobre os conflitos bélicos. Dentro desta investigación propuxeron unha persoa coñecedora desta temática para entrevistala. Neste caso entrevistaron a Omenuke Mfulu, xogador do Deportivo, quen desenvolve un proxecto deportivo no Congo para rapazada en situacións de risco polos conflitos bélicos desta área xeográfica.
Posteriormente a esta entrevista propuxeron unha acción e en colaboración co centro educativo conseguiron unha achega económica en apoio á escola de novos talentos do fútbol en Kinshasa.
(LUCES)
Que situacións actuais no noso arredor nos preocupan?
Esta pregunta foi o primeiro achegamento á experiencia radiofónica deste curso. O alumnado respondeu persoalmente mediante unha chuvia de ideas marcadas con etiquetas nunha cartolina. Unha vez lidas todas cada quen defendeu a súa achega. Á elección deste tema axudou a publicación na prensa da necesidade de contar cun kit de supervivencia recomendado por parte das autoridades da UE e que impresionou fondamente aos rapaces e rapazas, os cales vivírono como unha especie de ameaza de guerra próxima que nos afectara directamente.
Decidida temática a tratar informámonos sobre cales son
as principais causas de conflitos bélicos ao longo da historia, cales son as
guerras actuais, incluso as que están tan enquistadas que non aparecen nos
noticiarios, e as súas consecuencias na poboación civil. Para iso tomamos datos
de internet en diferentes páxinas:
https://www.semfyc.es/actualidad/a-fecha-de-hoy-existen-56-guerras-activas
https://www.sabuco.com/historia/causasguerras.pdf
.png)
Imaxe de procesos de selección do tema de investigación.
(CÁMARA)
Hai xustificacións para os conflitos
armados?
Día a día aparecen nos medios de comunicación a situación
bélica entre Rusia e Ucrania, así como a desenvolvida en Gaza. O alumnado
tentou achegarse aos motivos que as provocaron.
Entre a clase chegamos á conclusión de que os conflitos
bélicos se producen por diferentes
causas: invasión do territorio na loita polos recursos da terra, por
diferencias étnicas, por ideoloxías contrapostas...
En xeral houbo unanimidade en que as diferentes sociedades
civís son as que sofren as consecuencias destes conflitos con pobreza, fame,
desprazamentos non desexados... e non atoparon
xustificación para que a poboación civil i en especial a infancia vexa
conculcado o seu dereito a vivir en paz.
Tamén xurdiu unha discusión sobre se os artistas deben ou non manifestarse en contra das guerras dando a entender algúns que iso era meterse en “política”. A conclusión final foi que ao marxe das distintas ideoloxías, manifestarse contra as guerras e a favor dos pobos que as sofren non só é desexable senón que tamén é ético.
(ACCIÓN)
Buscamos a Mfulu que nos achegue o seu proxecto
Sensibilizado o alumnado co tema, contactamos con Mfulu,
xogador do Deportivo da Coruña para que nos falara da situación da guerra do
Congo e de como inflúe na vida cotiá da cidadanía congoleña.
O alumnado de sexto visitouno na Cidade Deportiva de
Abegondo para facerlle unha entrevista na que nos falou da situación dun conflito
vixente aínda hoxe.
Fomos coñecedores de que, aínda que el non viviu nese
país, senón que pasou a súa infancia en Francia, está sensibilizado coa
situación do país das súas orixes e creou unha escola de fútbol en Kinshasa.
Unha maneira de facer do deporte unha ferramenta de desenvolvemento persoal e
de fomento de paz.
A partir desta entrevista 50 nenos e nenas acudiron o pasado 1 de xuño ao partido do Depor a gozar dun “enfrontamento” pacífico entre dous clubes decidindo apoiar a escola de Mfulu cunha aportación económica equivalente ao que custou o desprazamento dende Monfero á Coruña nun xesto de abrazar aos “nenos e nenas da guerra”.
.png) |
| Imaxe autoeditada da entrevista a |
O resultado deste traballo o tempos neste potcast: https://go.ivoox.com/sq/2668036
Grazas a Agareso e en especial a Rocio por acompañarnos e ensinarnos neste apaixonante aprendizaxe!!!
.png) |
| Imaxe de grupo ao final da entrevista. |
.png)
 |
| Imaxe autoeditada. |
Toca observar, ler, debuxar, aprender e espertar a curiosidade da rapazada a partir da nosa privilexiada contorna natural.
Para que a xestión sexa eficiente catro colaboradores de 4º de EP responsabilizaranse da súa xestión durante o lecer.
Foi un traballo compartido entre diferentes niveis da etapa da Ed. Primaria cuxo comezo é o deseño do patio que o alumnado quere para o lecer (Consello Escolar da Infancia).
Entre as propostas está esta caseta. Observade con detemento e veredes cantas posibilidades de xogo, experimentación e aprendizaxe na natureza ofrece.
.png)
O alumnado de 2º de EP estivo aprendendo sobre os animais e, baseándose no libro "El animalario universal del profesor Revillod" que temos na biblioteca, imaxinaron as súas propias criaturas. Mesturaron e debuxaron troncos, cabezas e extremidades de diferentes texturas que foron recollendo usando a técnica do frottage dende a sola dos zapatos ata as cortizas das árbores. Velaí o resultado de anfibios acuáticos omnívoros e mamíferos terrestres ovovivíparos (entre outros!). Para animar as ilustracións usamos a páxina Animated Drawing.
Lendas do Mosteiro: unha viaxe inmersiva ao pasado, é o título do proxecto presentado no III Concurso Audiovisual “ANPAS Galegas-Somos Rural”.
A través deste proxecto quixémoslle dar ao noso alumnado (3º ESO) a posibilidade real de reconstruír o presente e cimentar o futuro partindo dos seus intereses e motivacións, por iso o produto elixido foi un videoxogo. A nosa proposta Lendas do Mosteiro consiste simulación do deseño dun videoxogo que combine a realidade inmersiva coa rica historia do Mosteiro de Monfero (de aí o subtítulo Unha Viaxe Inmersiva ao Pasado).
O vídeo e o cartaz que se presentan a concurso constituirían o “trailer” promocional do lanzamento deste videoxogo ao mercado, coa idea de captar a atención dos xogadores/as.
Cartel promocional: Quixemos emular un cartel promocional de videoxogo, unha peza visual que non so busque informar (título proxecto, logo ANPAS Galegas, datos do concurso, datos do centro educativo), senón tamén seducir e captar a imaxinación dos/as gamers. Todos os elementos foron elixidos coidadosamente, para captar a esencia do xogo. O Mosteiro de Monfero como eixo central, con estética pixelada e filtro de cor que o mimetiza coa contorna natural e vexetal (Fragas do Eume), e pequenos elementos que ocupan un plano secundario 1 Memoria xustificativa Lendas do Mosteiro: unha viaxe inmersiva ao pasado. III Concurso Audiovisual “ANPAS Galegas-Somos Rural” (mandos da consola, espada, copa, estandarte, avatares feminino/masculino) e que reforzan tanto a idea de videoxogo como o seu contexto histórico (Idade Media). A selección dunha tipografía axeitada (pixel-art) así como o concepto virxedacelagamestudio (nome ficticio do estudio de deseño e programación de xogos multimedia) axudan a potenciar o produto.
Vídeo: Adaptándonos ás bases do concurso (duración 3 minutos) pensamos na idea recrear un “trailer” ou avance do lanzamento do videoxogo perseguindo fundamentalmente tres obxectivos: informar sobre a existencia do videoxogo e da súa próxima estrea, crear expectación e transmitir o estilo do produto (estética e temática). Estudo previo e pormenorizado da linguaxe cinematográfica e traballo minucioso de edición buscando a construción dunha atmósfera envolvente, que, axudada por unha banda sonora narrativa, arrastre ao espectador/a a mergullarse na historia e na trama. Utilización de elementos textuais con tipografía medieval para reforzar ideas e aportar unha linguaxe inclusiva. Imaxes: Ante a imposibilidade de realizar gravacións no propio Mosteiro (falta de medios e de tempo) recurrimos a imaxes xeradas con IA que permitiron ambientar o videoxogo nun escenario similar, trasladándonos a unha época medieval escura e cruenta, onde conviven monxes, campesiños/as e señores feudais.
Unha das propostas de impresión 3D deste curso foi a creación de pezas de unión para o kapla (Join Clips).
.png)
Na plataforma Printables podemos encontrar diferentes posibilidades que fomentan novas posibilidades construtivas e estimulan a creatividade deste recurso do Polo creativo.
O pasado xoves 24 de abril dous estudantes de 2º ESO do noso centro tiveron a oportunidade de participar na fase de zona da Olimpíada Matemática, organizada por AGAPEMA (Asociación Galega de Profesorado de Educación Matemática). A competición tivo lugar no IES de Canido, en Ferrol, a onde foron acompañados pola súa profesora de Matemáticas.
O xoves, 24 de abril de 2025, o Centro de Supercomputación de Galicia, a Dirección Xeral de Igualdade e o Colexio Profesional de Enxeñaría en Informática de Galicia organiza o "Día das Rapazas nas TIC" (Girls in ICT Day). Trátase dun animado coloquio virtual dende o CESGA dirixido a centros educativos, no que participan 4 destacadas galegas emprendedoras, investigadoras e tecnólogas no eido das TIC, ás que o alumnado participante dos centros galegos de primaria e secundaria poderá preguntar todas aquelas inquedanzas e dúbidas sobre os seus eidos profesionais ou as súas motivacións persoais que as levaron a traballar neste eido.
Este ano contamos cunha investigadora en física cuántica, unha docente, directora de área e investigadora en telecomunicacións, unha enxeñeira aeroespacial que participa desenvolvendo un coche monoplaza de carreiras e unha enxeñeira informática líder de proxectos internacionais e exitosa creadora de contidos en TikTok e outras RRSS! As catro complementan cos seus perfis diversos unha realidade do mundo profesional na que as tecnoloxías xogan un papel moi importante e as veces non tan "evidente".
A apertura institucional e o coloquio comezará as 11:00, cunha duración de 1 hora e media, ata ás 12:30
Grazas ao PFPP de Polos, poidemos descubrir a multitude de posibilidades que nos ofrece a cortadora láser. Con ela, non só preparamos materi...
